F-1.az xatırladır ki, ilk sərbəst yürüşlərdə Karlos Sayns, sonrakı iki məşqdə isə Maks Ferstappen ən sürətli olub.
Pirelli bura ən yumşaq üçlüyü – C3, C4, C5 tərkiblərini gətirib. Çjou yumşaq, Alonso, Sayns, Lekler, Qasli, Rassell, Piastri, Stroll, Bottas və Maqnussen sərt, qalanları isə orta təkərlərlə yarışa başlayıblar.
Yarışa ilk cərgədən Ferstappen və Alonso, ikinci cərgədən Okon və Sayns, üçüncü cərgədən isə Həmilton və Lekler start alıb.
Startda Ferstappen liderliyini qoruyub. Stroll bir neçə yer itirərək Elbonla toqquşub. Hülkenberq Sarcentin maşınını vurub və beş saniyəlik cəza alıb. Hülkenberq, Çjou və Peres pit-stop edərək Hard təkərlərə keçiblər. 2-ci dövrədə ilk onluq: Ferstappen – Alonso – Okon – Sayns – Həmilton – Lekler – Qasli – Rassel – Tsunoda – Norris.
Sayns Okona hücum edərkən ön qanadını zədələyib, lakin pitə girməyib. Qanadın qırılan hissəsi trasa düşüb. Bir qədər sonra ona ağ-qara bayraqlarla xəbərdarlıq edilib. Sarcent arxasında böyük qatar formalaşdırıb. Uzun müddət heç kim hücuma cəhd etməyib. Sonra isə Maqnussen, Stroll və Peres onu ötüblər.
Elbon 19-cu dövrədə pit-stop edib. Onu 25-ci dövrədə Sarcent, 32-ci dövrədə isə Həmilton izləyib. Ferstappen dövrəvi sürücülərə çatıb və burada xeyli vaxt itirib, Alonso öz növbəsində aradakı fərqi xeyli qapadıb. Daha sonra isə Maks yenidən fərqi açmağa başlayıb.
Peres Maqnussenlə təmas edib və ön qanadını qırıb. Okon, Sayns və Peres təkərlərini dəyişiblər. Stroll və Maqnussen də təmas yaşayıblar. Lekler, Qasli və Norris də təkər dəyişən sürücülər siyahısına qoşulublar.
Yağış başlayıb, Bottas və Stroll təkrar keçid təkərləri üçün pitə gəliblər. Çjou, Elbon, Tsunoda, de Friz, Rassell, Okon, Həmilton və Qasli də eyni addımı atıblar. Alonso isə sarı təkərləri seçib. Tras getdikcə sürüşkən olub, Ferstappen, Piastri və Norris də yaşıl təkərlərə keçiblər. Alonso yenidən pit-stop edərək xeyli vaxt itirib.
Sayns təhlükəsizlik cibinə girib. Stroll maşını zədələyib və yarışdan çəkilib. 58-ci dövrədə ilk onluq: Ferstappen – Alonso – Okon – Həmilton – Rassell – Lekler – Qasli – Sayns – Tsunoda – Piastri.
Maqnussen sliklərdə qalıb, digərlərinin keçməsinə imkan vermək üçün sürəti mümkün qədər azaldıb, Raskaşda divarla təmas etsə də, özünü boksa çatdıra bilib və yeni burun hissəsi taxılıb. Sarcent də dovara toxunub, amma yarışa davam edib. Peres yağış təkərlərinə keçib.
Rassell trasa təhlükəli qayıtdığı üçün 5 saniyəlik cəza alıb. Norris piastrini geridə qoyub. Maqnussen ilk döngədə təhlükəsizlik zonasına çıxıb. Hülkenberq 61-ci dövrədə yağış təkərlərinə keçib, lakin cəzasını düzgün ödəməyidi üçün əlavə 10 saniyə də cəza alıb.
Tsunoda hər iki McLaren sürücüsü tərəfindən keçilib. Tsunoda 5-ci döngədə səhvə yol verib. Çjou Elbonu geridə qoyub. Peres yenidən keçid təkərlərinə qayıdıb.
Beləliklə, Maks Ferstappen mövsümdə 4-cü, karyerasında isə 39-cu qələbəsini qazanıb. Fernando Alonso ikinci olaraq mövsümdə ən yaxşı nəticəsini əldə edib. Esteban Okon da komandasına mövsümdə ilk podiumunu qazandırıb.
Mübarizə gələn həftə İspaniyada davam edəcək.
| Yer | N | Sürücü | Komanda | Zaman | Pit |
| 1 | 1 | Maks Ferstappen | Red Bull | 1:48:51.980 | 1 |
| 2 | 14 | Fernando Alonso | Aston Martin | + 0:27.921 | 2 |
| 3 | 31 | Esteban Okon | Alpine | + 0:36.990 | 2 |
| 4 | 44 | Lyuis Həmilton | Mercedes | + 0:39.062 | 2 |
| 5 | 63 | Corc Rassel l* | Mercedes | + 0:56.284 | 1 |
| 6 | 16 | Şarl Lekler | Ferrari | + 1:01.890 | 2 |
| 7 | 10 | Pyer Qasli | Alpine | + 1:02.362 | 2 |
| 8 | 55 | Karlos Sayns | Ferrari | + 1:03.391 | 2 |
| 9 | 4 | Lando Norris | McLaren | +1 dövrə | 2 |
| 10 | 81 | Oskar Piastri | McLaren | +1 dövrə | 1 |
| 11 | 77 | Valtteri Bottas | Alfa Romeo | +1 dövrə | 1 |
| 12 | 21 | Nik de Friz | AlphaTauri | +1 dövrə | 1 |
| 13 | 23 | Quanyu Çjou | Alfa Romeo | +1 dövrə | 2 |
| 14 | 23 | Aleksander Elbon | Williams | +1 dövrə | 2 |
| 15 | 22 | Yuki Tsunoda | AlphaTauri | +2 dövrə | 1 |
| 16 | 11 | Serxio Peres | Red Bull | +2 dövrə | 5 |
| 17 | 27 | Niko Hülkenberq * | Haas | +2 dövrə | 3 |
| 18 | 2 | Loqan Sarcent * | Williams | +2 dövrə | 3 |
*- Sarcentin nəticəsinə pit yolunda sürət həddini aşdığı üçün 5 saniyə əlavə edilib
*- Rassellin nəticəsinə trasa təhlükəli qayıtdığı üçün 5 saniyə əlavə edilib
*- Hülkenberqin nəticəsinə cəzasını düzgün ödəmədiyi üçün 10 saniyə əlavə edilib
MÜBARİZƏNİ DAYANDIRANLAR:
| Sürücü | Komanda | Dövrə | Səbəb |
| Kevin Maqnussen | Haas | 76 | mexaniki problem |
| Ləns Stroll | Aston Martin | 55 | qəza |
SÜRÜCÜLƏRİN ÇEMPİONATI:
| Yer | N | Sürücü | Ölkə | Komanda | Xal |
| 1 | 1 | Maks Fertappen |  |
Oracle Red Bull Racing | 144 |
| 2 | 11 | Serxio Peres |  |
Oracle Red Bull Racing | 105 |
| 3 | 14 | Fernando Alonso |  |
Aston Martin Aramco Cognizant F1 Team | 93 |
| 4 | 44 | Lyuis Həmilton |  |
Mercedes-AMG PETRONAS F1 Team | 69 |
| 5 | 63 | Corc Rassell | |
Mercedes-AMG PETRONAS F1 Team | 50 |
| 6 | 55 | Karlos Sayns | |
Scuderia Ferrari | 48 |
| 7 | 16 | Şarl Lekler |  |
Scuderia Ferrari | 42 |
| 8 | 18 | Ləns Stroll |  |
Aston Martin Aramco Cognizant F1 Team | 27 |
| 9 | 31 | Esteban Okon |  |
BWT Alpine F1 Team | 21 |
| 10 | 10 | Pyer Qasli | |
BWT Alpine F1 Team | 14 |
| 11 | 4 | Lando Norris | |
McLaren F1 Team | 12 |
| 12 | 27 | Niko Hülkenberq |  |
MoneyGram Haas F1 Team | 6 |
| 13 | 81 | Oskar Piastri |  |
McLaren F1 Team | 5 |
| 14 | 77 | Valtteri Bottas |  |
Alfa Romeo F1 Team Stake | 4 |
| 15 | 24 | Quanyu Çjou |  |
Alfa Romeo F1 Team Stake | 2 |
| 16 | 22 | Yuki Tsunoda |  |
Scuderia AlphaTauri | 2 |
| 17 | 20 | Kevin Maqnussen |  |
MoneyGram Haas F1 Team | 2 |
| 18 | 23 | Aleksander Elbon | |
Williams Racing | 1 |
MÜHƏNDİSLƏR KUBOKU:
| Yer | Komanda | Motor | Xal |
| 1 | Oracle Red Bull Racing | Honda RBPT | 249 |
| 2 | Aston Martin Aramco Cognizant F1 Team | Mercedes | 120 |
| 3 | Mercedes-AMG PETRONAS F1 Team | Mercedes | 119 |
| 4 | Scuderia Ferrari | Ferrari | 90 |
| 5 | McLaren F1 Team | Mercedes | 35 |
| 6 | BWT Alpine F1 Team | Renault | 17 |
| 7 | MoneyGram Haas F1 Team | Ferrari | 8 |
| 8 | Alfa Romeo F1 Team Stake | Ferrari | 6 |
| 9 | Scuderia AlphaTauri | Honda RBPT | 2 |
| 10 | Williams Racing | Mercedes | 1 |
