F-1.az trasın rəsmi saytına istinadən bildirir ki, sərbəst yürüşlərin start götürəcəyi cümə axşamı hava +23 dərəcə olacaq və mülayim cənub-şərq küləyi əsəcək. Sürücülərin istirahət edəcəyi cümə günündə də hava şəraiti eyni olacaq.
Şənbə günü hava bir qədər buludlu olacaq, lakin yağıntı ehtimalı 10%-dən çox deyil. Termometrlər +23 dərəcəni göstərəcəklər. Bazar günü də hava +23 dərəcəyə qədər qızacaq və yağıntı gözlənilmir.
Qeyd edək ki, keçən il Monte Karloda yarışın baş tutduğu gün yağış yağsa da, qalan sessiyalar quru havada baş tutmuşdu.
