F-1.az Monte Karlonun hava bürosuna istinadən bildirir ki, küçələrdə ənənəvi olaraq ilk iki sərbəst yürüşlər cümə axşamı baş tutacaq – həmin gün havanın +22 dərəcəyədək qızması gözlənilir. Cümə günü buludlu olsa da, temperatur +25 dərəcəyə yüksələcək, amma bu gün Formula1 sürücüləri trasda işləmirlər.
Şənbə günü termometrlər +25 dərəcəni göstərsələr də, axşam yağış yağa bilər. Bazar günü səmanı buludlar tutacaq, temperatur +21 dərəcəyə düşəcək, yarışın finişindən dərhal sonra isə yağış başlaya bilər.
Xatırladırıq ki, keçən il cümə axşamı sərbəst yürüşlər qurumaqda olan trasda, qalan sessiyalar isə quru trasda baş tutmuşdu.
