İspaniyanın El Mundo qəzetinin səhifələrində Ferrari-nin test sürücüsü və Lə Manın builki qalibi Mark Jene Felipe Massanı əvəz etmək üçün Ferrari-nin onu deyil, Luka Badoyeri seçməsindən məyus olduğunu bildirib…
Mark Jene: “Son həftələr mənim üçün asan olmayıb. “Lə Manın 24 saatı” yarışında qalib olduqdan sonra, Ferrari və Peugeot-nun sükanı arxasında on minlərlə kilometr məsafə qət etdikdən sonra ev trasımda çıxış edə bilməyəcəyimi təsəvvür etmək çox çətin idi. .
Belçika Qran Prisi ərəfəsində komandanın qərarından asılı olmayaraq, mən bu qərara hörmət edəcəm. Əgər onlar məni sükan arxasına otuzdurmaq qərarına gəlsələr, mən yarışda iştirak edəcəm, əks halda komandanın bir üzvü kimi işləyəcəm. Mən sürücüyəm, mən yarışmalıyam və sükan arxasına oturmağa hazıram. Komanda bunu bilir.”
