F-1.az bildirir ki, buna görə də, komandalar əsas yeniliklərini məhz burada yoxlayıblar, baxmayaraq ki, Rodrigez qardaşları adına tras dəniz səviyyəsindən olduqca yüksəkdə yerləşir və ekstermal şəraitlər bəxş edir.
Hər 3 məşqdə protokollara başçılıq edən Maks Ferstappen sıralanma turunda Ferrari-dən olan həmkarlarına uduzub – Şarl Lekler uzun müddətdir qələbə qazana bilməsə də, poulları sıralayır.
Yarışa ən öndən Ferrari sürücüləri, ikinci cərgədən Ferstappen və Rikkardo, üçüncü cərgədən isə Peres və Həmilton başlayıblar. Pirelli bura ən yumşaq üçlüyü – C3, C4 və C5 tərkiblərini gətirib. Elbon və Okon sərt, Norris yumşaq, qalanları isə orta təkərlərlə start almağı üstün tutublar.
Startda Ferstappen əla reaksiya ilə liderliyə yüksəlib. Peres də yaxşı tərpənib, lakin ilk döngədə yol verdiyi səhv yarışın onun üçün erkən bitməsinə səbəb olub – Leklerlə toqquşan Peresin asılqanı qırılıb və boksa qayıdaraq yarışdan çəkilib.
Tras sürətli olsa da, ötmələr asan olmayıb. Hətta DRS ilə Rikkardoya hücumlar edən Həmilton uzun müddət onu keçməkdə çətinlik çəkib. Pit-stop dalğası 20-ci dövrənin əvvəllərində başlayıb.
Maqnussen 33-cü dövrədə qəzadan sonra asılqandakı nasazlığa görə yarışı yarımçıq dayandırıb. Qoruyucu sədd zədələndiyi üçün mübarizə qırmızı bayraqlarla dayandırılıb. Fasilə 22 dəqiqə davam edib.
Həmilton, Piastri, Rassell, Hülkenberq, Norris, Elbon, Okon və Sarcent yarışın qalan hissəsi üçün Medium, qalanları isə Hard təkərləri seçiblər. Ferstappen liderliyini qoruyub, Norris bir neçə yer itirib.
Piastri Rikkardoya hücum etməsi üçün daha sürətli komanda yoldaşını irəli buraxıb. Bottas və Strollun təması ikincinin yarışı yarımçıq dayandırması ilə nəticələnib. Alonso mexaniki problemlərə görə yarışdan çəkilib.
Yarışın qalan hissəsi sakit keçib. Son dövrədə isə Həmilton gözlənilmədən sürətli dövrə vuraraq əlavə 1 xalı özünə təmin edib.
Maks Ferstappen mövsümdə 16-cı qələbəsini qazanaraq bir mövsümdəki zəfər sayına görə yeni rekord müəyyən edib. Bu, niderlandlı sürücünün karyerasında 51-ci qələbədir və o, əfsanəvi Alen Prosta çatıb. Lyuis Həmilton ikinci olaraq Pereslə çempionatdakı fərqi yenidən azaldıb. Şarl Lekler isə üçüncü olaraq mövsümdə dördüncü poulunu qazanıb.
Mübarizə gələn həftə Braziliyada davam edəcək…
| Yer | N | Sürücü | Komanda | Zaman | Pit |
| 1 | 1 | Maks Ferstappen | Red Bull | 2:02:30.814 | 3 |
| 2 | 44 | Lyuis Həmilton | Mercedes | +13.875 | 2 |
| 3 | 16 | Şarl Lekler | Ferrari | +23.124 | 2 |
| 4 | 55 | Karlos Sayns | Ferrari | +27.154 | 2 |
| 5 | 4 | Lando Norris | McLaren | +33.266 | 3 |
| 6 | 63 | Corc Rassell | Mercedes | +41.020 | 2 |
| 7 | 3 | Daniel Rikkardo | AlphaTauri | +41.570 | 2 |
| 8 | 81 | Oskar Piastri | McLaren | +43.104 | 2 |
| 9 | 23 | Aleksander Elbon | Williams | +48.573 | 2 |
| 10 | 31 | Esteban Okon | Alpine | +62.879 | 1 |
| 11 | 10 | Pyer Qasli | Alpine | +66.208 | 2 |
| 12 | 22 | Yuki Tsunoda | AlphaTauri | +78.982 | 2 |
| 13 | 27 | Niko Hülkenberq | Haas | +80.309 | 2 |
| 14 | 77 | Quanyu Çjou | Alfa Romeo | +81.676 | 2 |
| 15 | 77 | Valtteri Bottas * | Alfa Romeo | +85.597 | 2 |
* – Strolla təmasa görə Rassellin nəticəsinə 5 saniyə əlavə edilib.
Sürətli dövrə: Lyuis Həmilton (Mercedes) – 1:21.334 (71-ci dövrə, 190.503 km/saat).
MÜBARİZƏNİ DAYANDIRANLAR:
| Sürücü | Komanda | Dövrə | Səbəb |
| Loqan Sarcent | Williams | 70 | mexaniki problem |
| Ləns Stroll | Aston Martin | 66 | qəza |
| Fernando Alonso | Aston Martin | 47 | mexaniki problem |
| Kevin Maqnussen | Haas | 31 | qəza |
| Serxio Peres | Red Bull | 1 | qəza |
SÜRÜCÜLƏRİN ÇEMPİONATI:
| Yer | N | Sürücü | Ölkə | Komanda | Xal |
| 1 | 1 | Maks Fertappen |  |
Oracle Red Bull Racing | 491 |
| 2 | 11 | Serxio Peres |  |
Oracle Red Bull Racing | 240 |
| 3 | 44 | Lyuis Həmilton |  |
Mercedes-AMG PETRONAS F1 Team | 220 |
| 4 | 55 | Karlos Sayns |  |
Scuderia Ferrari | 183 |
| 5 | 14 | Fernando Alonso | |
Aston Martin Aramco Cognizant F1 Team | 183 |
| 6 | 4 | Lando Norris | |
McLaren F1 Team | 169 |
| 7 | 16 | Şarl Lekler |  |
Scuderia Ferrari | 166 |
| 8 | 63 | Corc Rassell | |
Mercedes-AMG PETRONAS F1 Team | 151 |
| 9 | 81 | Oskar Piastri |  |
McLaren F1 Team | 87 |
| 10 | 10 | Pyer Qasli |  |
BWT Alpine F1 Team | 56 |
| 11 | 18 | Ləns Stroll |  |
Aston Martin Aramco Cognizant F1 Team | 53 |
| 12 | 31 | Esteban Okon | |
BWT Alpine F1 Team | 45 |
| 13 | 23 | Aleksander Elbon | |
Williams Racing | 27 |
| 14 | 77 | Valtteri Bottas |  |
Alfa Romeo F1 Team Stake | 10 |
| 15 | 27 | Niko Hülkenberq |  |
MoneyGram Haas F1 Team | 9 |
| 16 | 22 | Yuki Tsunoda |  |
Scuderia AlphaTauri | 8 |
| 17 | 3 | Daniel Rikkardo | |
Scuderia AlphaTauri | 6 |
| 18 | 24 | Quanyu Çjou |  |
Alfa Romeo F1 Team Stake | 6 |
| 19 | 20 | Kevin Maqnussen |  |
MoneyGram Haas F1 Team | 3 |
| 20 | 40 | Lyam Louson |  |
Scuderia AlphaTauri | 2 |
| 21 | 2 | Loqan Sarcent |  |
Williams Racing | 1 |
MÜHƏNDİSLƏR KUBOKU:
| Yer | Komanda | Motor | Xal |
| 1 | Oracle Red Bull Racing | Honda RBPT | 731 |
| 2 | Mercedes-AMG PETRONAS F1 Team | Mercedes | 371 |
| 3 | Scuderia Ferrari | Ferrari | 349 |
| 4 | McLaren F1 Team | Mercedes | 256 |
| 5 | Aston Martin Aramco Cognizant F1 Team | Mercedes | 236 |
| 6 | BWT Alpine F1 Team | Renault | 101 |
| 7 | Williams Racing | Mercedes | 28 |
| 8 | Scuderia AlphaTauri | Honda RBPT | 16 |
| 9 | Alfa Romeo F1 Team Stake | Ferrari | 16 |
| 10 | MoneyGram Haas F1 Team | Ferrari | 12 |
