F-1.az xatırladır ki, Pirelli Meksikaya ən yumşaq tərkibləri gətirsə də, onları işləməyə məcbur etmək çox çətin olub – isti asfaltda təkərlərin həddən çox qızmasının qarşısını almaq lazım gəlib. Sessiyanın əvvəlində sürücülər qısa dövrələr seriyasında işləyiblər, daha sonra isə uzun dövrələr seriyasına keçiblər.
Pyer Qasli səhər işləyə bilməmişdi – hələ Ostində Honda motorçuları fransalı sürücünün maşınına qoyulmuş yeni güc qurğusunun yığılmasında səhvə yol vermişdilər, ona görə də sürücünün Meksika yarışını yarımçıq dayandırmaq ehtimalı böyük idi. Alonso, Lekler və Okon sükan arxasına qayıdıblar – səhər onları gənc sürücülər əvəz etmişdilər.
Maşınlar asfaltayatma qüvvəsinin maksimum kəmiyyətinə sazlanıb, amma dağlarda maşına bu qüvvə çatmayıb – maşınlar sürüşüblər, sürücülər tras kənarına çıxıblar, amma ciddi insident yaşanmayıb.
Sessiyanın sonuna 10 dəqiqə qalmış Ferstappen 3-cü döngədə dayanmalı olub – düzlüyün sonunda motor gözlənilmədən gücünü itirib.
Keçən il olduğu kimi yüksək hündürlükdə Renault motorları çox effektiv işləyiblər – ilk beşlikdə yer alan 4 sürücünün maşınında bu motorlar çalışır.
Səhər olduğu kimi, protokollara Maks Ferstappen başçılıq edib – 1:16.720.
| Yer | N | Sürücü | Komanda | Zaman | Fərq | Dövrə |
| 1 | 33 | Maks Ferstappen | Red Bull | 1:16.720 | — | 21 |
| 2 | 3 | Daniel Rikkardo | Red Bull | 1:16.873 | + 0:00.153 | 32 |
| 3 | 55 | Karlos Sayns | Renault | 1:17.953 | + 0:01.233 | 35 |
| 4 | 5 | Sebastyan Fettel | Ferrari | 1:17.954 | + 0:01.234 | 42 |
| 5 | 27 | Niko Hülkenberq | Renault | 1:18.046 | + 0:01.326 | 36 |
| 6 | 28 | Brendon Hartli | Toro Rosso | 1:18.061 | + 0:01.341 | 35 |
| 7 | 44 | Lyuis Həmilton | Mercedes | 1:18.100 | + 0:01.380 | 40 |
| 8 | 7 | Kimi Rəykkönen | Ferrari | 1:18.133 | + 0:01.413 | 42 |
| 9 | 77 | Valtteri Bottas | Mercedes | 1:18.140 | + 0:01.420 | 40 |
| 10 | 11 | Serxio Peres | Racing Point | 1:18.167 | + 0:01.447 | 24 |
| 11 | 31 | Esteban Okon | Racing Point | 1:18.485 | + 0:01.765 | 24 |
| 12 | 8 | Roman Qrojan | Haas | 1:18.733 | + 0:02.013 | 39 |
| 13 | 16 | Şarl Lekler | Sauber | 1:19.024 | + 0:02.304 | 39 |
| 14 | 10 | Pyer Qasli | Toro Rosso | 1:19.047 | + 0:02.327 | 36 |
| 15 | 2 | Stoffel Vandorn | McLaren | 1:19.096 | + 0:02.376 | 30 |
| 16 | 18 | Ləns Stroll | Williams | 1:19.219 | + 0:02.499 | 25 |
| 17 | 9 | Markus Eriksson | Sauber | 1:19.322 | + 0:02.602 | 41 |
| 18 | 35 | Sergey Sirotkin | Williams | 1:19.335 | + 0:02.615 | 37 |
| 19 | 14 | Fernando Alonso | McLaren | 1:19.543 | + 0:02.823 | 31 |
| 20 | 20 | Kevin Maqnussen | Haas | 1:19.670 | + 0:02.950 | 35 |
