Yarım saat bundan əvvəl Vodafone McLaren Mercedes komandası Vodafone-nin Nyuberidə Britaniya şöbəsinin mənzil qərargahında 2010-cu il mövsümü üçün hazırladığı yeni maşını təqdim edib.
Mərasimi giriş sözü ilə komandanın başçısı Martin Uitmarş açıb, o maşının hazırlanmasında çalışan mühəndisləri və əməkdaşları təqdim edib. On dəqiqədən sonra komandanın sürücüləri Censon Batton və Lyuis Həmilton yeni maşının üzərindən ağ pərdəni açıblar və jurnalistlər ilk dəfə MP4-25-i görüblər – maşın ənənəvi rəng çalarlarına boyanıb və bir çox yeni aerodinamik elementlər hamının diqqətini çəkib. Maşın fevralın 1-də Valensiya testlərində debüt edəcək…
