McLaren komandası Williams komandası kimi səhmlərini birjaya çıxartmaq fikrində deyil. Xatırladaq ki, Williams Grand Prix Holdings Plc şirkəti öz səhmlərinə kifayət qədər sifariş alıb – martın 2-də satış başlayacaq. Son məlumatlara görə, bir səhmin nominal dəyəri 25 Avro olacaq, satışla Almaniyanın Baader Bank və İsveçrənin Bank am Bellevue AG bankları məşğul olacaqlar.
Əndi Mayers, McLaren-in maliyyə direktoru: “Biz hesab edirik ki, şəxsi şirkət bir neçə nəfər səhmdarın mülkiyyətində qalmalıdır. Bizim fikrimizcə, bu bizim biznes-modelə daha uyğundur, ona görə də səhmlərimizi birjaya çıxartmağı planlaşdırmırıq.”
Qeyd etməliyik ki, McLaren komandasının səhmlərinin 50%-i Bahrain Mumtalakat Holding Company şirkətinə məxsusdur, yerdə qalan hissəsi isə Ron Dennisə və TAG Holdings-in sahibi Mansur Occeyin əlindədir…
