Ödənişin qalan hissəsinin komandanın hesabına köçürüləcəyi bildirilsə də, bu hələ reallaşmayıb və artıq paddokda Rionun mövsümün ikinci hissəsində yarışa bilməyəcəyi danışılır.
F-1.az xəbər vermişdi ki, MotorSport.com McLaren-in yetirməsi Stoffel Vandornun Haryantonu əvəzləyə biləcəyi ilə bağlı məlumat əldə edib. Lakin Erik Bulye bunu təkzib edib: “Ron Dennisin də dediyi kimi, Stoffel McLaren ailəsinin bir üzvüdür. Başqa komandaların onunla maraqlanması bizi təəccübləndirmir, çünki istedadlı pilotdur. Lakin deyilənlər şayiədir və həqiqətə uyğun deyil”.
