Keçən həftə, Britaniya uik-endi ərəfəsində biz Mətt Morrisin Sauber komandasının baş konstruktoru vəzifəsini tərk etməsi barədə xəbər vermişdik – bu vəzifəni Erik Qandelin tutacaq. Amma bu gün rəsmən təsdiq olunub ki, Mətt McLaren komandasında baş mühəndis təyin olunub.
Martin Uitmarş: “Mətt Morris bizim komandada baş mühəndis vəzifəsini icra edəcək, sadəcə hələ Sauber komandası ilə müqaviləsi tam pozulmayıb. Mətt bizim texniki direktor Tim Qossa tabe olacaq ki, texniki yeniliklərin səviyyəsini artırsın. Məttin təyinatı 2015-ci ildə Honda motorlarına keçidə hazırlıq mərhələsində texniki şöbənin yenidən qurulması istiqamətində atdığımız ilk addımdır.”
