Bu gün McLaren komandasının sürücü, 2009-cu ilin dünya çempionu Censon Battonun ad günüdür – britaniyalı sürücünün 33 yaşı tamam olub. Komandanın mətbuat xidmətu rəsmi Facebook səhifəsində sürücüyə qısa təbrik ünvanlayıb.
Londonda dərc olunan Daily Mail yazır ki, mətbuat xidməti təbriki müşaiyət edən şəkildə səhvə yol verib – səhifəyə Lyuis Həmiltonun Sinqapur Qran Prisindəki şəkli qoyulub. Bu səhvi azarkeşlər də görüblər və sosial səhifələrdə paylaşıblar. Tezliklə, komandanın mətbuat xidməti şəkli yeniləyib – indi səhifəni həmin yarış və həmin yerdə Censon Battonun şəkli bəzəyir…
