F-1.az xəbər verir ki, komandanın rəhbəri bu nəticələri dəyişən şərtlərlə izah edib və bildirib ki, yenilənmələrdən sonra avtomobil daha geniş diapazonda işləməlidir.
Andrea Stella: “Barselonada çox dar diapazonda bizim üçün işləyən parametrlərdən maksimum yararlandıq. Təsnifat mərhələsində hər şey yaxşı işlədi, yol tutuşu çox yaxşı idi və hər şey düzəldi. Amma digər şərtlərdə, deyək ki, Mayamidə eyni parametrlər olsa, biz son sessiyaya iki maşınla keçməzdik.
Yağış, soyuq, buludlu hava – bu amilləri idarə edə bilmirik. Ümid edirəm ki, hazırladığımız yeniliklər avtomobili daha da çoxyönlü edəcək. Avstriyadakı yarış üçün genişmiqyaslı yenilənmə paketi hazırlayırıq. Söhbət yeni aerodinamik dəstdən gedir, yeniliklər çox nəzərə çarpacaq”.
Xatırladaq ki, McLaren komandası geridə qalan 7 yarışda cəmi 17 xal toplayıb və Mühəndislər Kubokunda altıncı yerdədir.
