Üstəlik, asfaltın da yenicə döşənməsi sürücülərə ən xırda səhvin belə problemə çevrilə biləcəyini deyir.
F-1.az xatırladır ki, cümə günü baş tutan ilk sərbəst yürüşdə Corc Rassell birinci olub, ikinci və bugünkü üçüncü məşqlərdə isə ən yaxşı nəticə Maks Ferstappendən gəlib.
Pirelli bura C2, C3 və C4 üçlüyünü gətirib. Soft-lar isti havaya görə olduqca tez aşınsalar da, böyük sürət fərqi sıralanma turunda ona müraciət edilməsinə səbəb olub.
İlk sessiyada hamı Soft-la trasa çıxıb, ardıcıl dövrələr vuraraq təkərləri ideal iş rejiminə gətirməyə çalışıblar. Bəzi sürücülər bir-birilərinə mane olublar, sıxlıq yaşanıb. Sayns Çjounun sürətli dövrəsinə əngəl olub, Maqnussen baryerə sürtündükdən sonra boksa qayıdıb. Ferstappen ən sürətli olub – 1.27.363. Sarcent, Piastri, Stroll, Tsunoda və Norris təsnifat mərhələsi ilə vidalaşıb.
İkinci Sessiyada da hamı Soft təkərlərlə bokslardan ayrılıb. Maks ilk cəhdində hamını keçib. Onun 1.27.110-luq nəticəsi əlçatmaz olub, Sayns sadəcə bir qədər yaxınlaşa bilib. İkinci cəhdlərdə Lekler önə keçsə də, Maks liderliyini qaytarıb. De Friz, Çjou, Həmilton, Hülkenberq və Elbon mübarizəni dayandırıb.
Son sessiyada 1:26.841-lik nəticə göstərən Peres protokollara başçılıq edib, Ferstappen isə səhvə yol verib. İkinci cəhdlərə isə Lekler mane olub – monakolu sürücü yeddinci dövrədə qəza edərək qırmızı bayraqlara səbəb olub. Bu da ikinci cəhdlərinə çıxan sürücülərə onları bitirmək imkanı verməyib. Sessiyanın bitməsinə 2 dəqiqədən xeyli az qaldığı üçün davam etdirilməyəcəyi elan edilib.
Serxio Peres mövsümdə ikinci, karyerasında isə üçüncü poulu qazanıb. Sabahkı yarışa onun yanından Fernando Alonso başlayacaq. İkinci cərgə Karlos Sayns və Kevin Maqnussenin, üçüncü cərgə isə Pyer Qasli və Corc Rassellindir.
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 11 | Serxio Peres | Red Bull | 3 | 1:27.713 | 8 | 5 | 1:27.328 | 8 | 1:26.841 | 4 |
| 2 | 14 | Fernando Alonso | Aston Martin | 12 | 1:28.179 | 8 | 3 | 1:27.097 | 6 | 1:27.202 | 5 |
| 3 | 55 | Karlos Sayns | Ferrari | 2 | 1:27.686 | 8 | 4 | 1:27.148 | 5 | 1:27.349 | 5 |
| 4 | 20 | Kevin Maqnussen | Haas | 5 | 1:27.809 | 9 | 9 | 1:27.673 | 6 | 1:27.767 | 4 |
| 5 | 10 | Pyer Qasli | Alpine | 10 | 1:28.061 | 9 | 8 | 1:27.612 | 6 | 1:27.786 | 5 |
| 6 | 63 | Corc Rassell | Mercedes | 11 | 1:28.086 | 9 | 10 | 1:27.743 | 6 | 1:27.804 | 5 |
| 7 | 16 | Şarl Lekler | Ferrari | 4 | 1:27.713 | 8 | 2 | 1:26.964 | 6 | 1:27.861 | 5 |
| 8 | 31 | Esteban Okon | Alpine | 8 | 1:27.872 | 9 | 6 | 1:27.444 | 6 | 1:27.935 | 5 |
| 9 | 1 | Maks Ferstappen | Red Bull | 1 | 1:27.363 | 6 | 1 | 1:26.814 | 6 | – | 3 |
| 10 | 77 | Valtteri Bottas | Alfa Romeo | 7 | 1:27.864 | 10 | 7 | 1:27.564 | 4 | – | 1 |
| 11 | 23 | Aleksander Elbon | Williams | 14 | 1:28.234 | 9 | 11 | 1:27.795 | 6 | ||
| 12 | 27 | Niko Hülkenberq | Haas | 9 | 1:27.945 | 10 | 12 | 1:27.903 | 5 | ||
| 13 | 44 | Lyuis Həmilton | Mercedes | 6 | 1:27.846 | 9 | 13 | 1:27.975 | 6 | ||
| 14 | 24 | Quanyu Çjou | Alfa Romeo | 13 | 1:28.180 | 10 | 14 | 1:28.091 | 7 | ||
| 15 | 21 | Nik de Friz | AlphaTauri | 15 | 1:28.325 | 10 | 15 | 1:28.395 | 6 | ||
| 16 | 4 | Lando Norris | McLaren | 16 | 1:28.394 | 8 | |||||
| 17 | 22 | Yuki Tsunoda | AlphaTauri | 17 | 1:28.429 | 10 | |||||
| 18 | 18 | Ləns Stroll | Aston Martin | 18 | 1:28.476 | 8 | |||||
| 19 | 81 | Oskar Piastri | McLaren | 19 | 1:28.474 | 9 | |||||
| 20 | 2 | Loqan Sarcent | Williams | 20 | 1:28.577 | 10 | |||||
