F-1.az həmin yenilikləri təqdim edir.
Ferrari standart versiya ilə müqayisədə ilk sərbəst yürüşlər sessiyasında effektivliyi yoxlanılan yeni alt korpusunu təqdim edib. Yeni versiyada altlığın ön və orta hissələri, eləcə də diffuzor dəyişikliklərə məruz qalıb.
Alfa Romeo Amerika trası üçün daha uyğun hesab edəcəyi halda, komandanın maşınlarına istəyə bağlı olaraq aşağı müqavimət qabiliyyətinə malik arxa qanad variantı yerləşdirilə bilər.
İsti iqlimi ilə tanınan Mayamidə həftəsonu havanın temperaturu +30 dərəcəyə çatacağı üçün komanda AMR23-ə soyutma səmərəliliyini artırmaq üçün əlavə panjurlar yerləşdirilib.
Amerika komandası Florida mərhələsi üçün mövsümün əvvəlindən ən əhəmiyyətli texniki yeniliyi – optimal hava təzyiqinin paylanmasına, eləcə də maşının yan tərəflərindəki axının daha səmərəli idarə olunmasına nail olan modernləşdirilmiş altlığı hazırlayıb.
Komandalar Venturi tunelləri arasında yerləşən altlığın mərkəzi hissəsinin həndəsəsini dəyişdirərək təcrübələrini davam etdirirlər. Aerodinamiklərin hesablamalarına görə, bu, həmin sahədə əmələ gələn burulğanlara əlavə enerji verə bilər – müvafiq olaraq, axın sürəti artır və asfaltayatma qüvvəsi də çoxalır.
Komanda Avstraliya Qran Prisi ilə başlayan maşının təkmilləşdirilməsi prosesini davam etdirir. Mayamidə AT04 yenidən işlənmiş ön qanad alıb və arxa görünüş güzgüsü korpuslarının forması da dəyişdirilib. Təkmilləşdirmələr yuxarıdan maşının ətrafındakı axına əlavə sürət verməyə yönəlib – bu, aşağı sürətlərdə şassinin səmərəliliyini artıracaq.
Digər 5 komanda – Alpine, McLaren, Mercedes, Red Bull Racing və Williams komandaları heç bir yeniləmə barədə məlumat verməyiblər. Çox güman ki, onlar da maşınlarına xırda toxunuşlar ediblər. Nəzərə alsaq ki, cəmi 1 həftə əvvəl Bakıda baş tutan yarışa hamı böyük yenilənmə paketləri ilə gəlmişdi və Mayami trası da Bakı Şəhər Halqası kimi şəhərtipli trasdır, daha ciddi yenilikləri növbəti yarışlara saxlamaq fikri ağlabatandır.
