F-1.az bildirir ki, hər nəqər tədbirlər görülsə də asfalt xüsusi 7-ci və 17-ci döngədə xeyli sürüşkən olub. Elə ilk dəqiqədəcə Lekler və Tsunoda yerində fırlanıb, Ferstappen baryerlə təmas edib. Alpine yenə də Okonun maşınını trasa buraxarkən dəqqiətsiz davranıb və Rassell qəzadan son anda yayınıb. Stüardlar məsələni araşdıracaqlar.
Başqa bir araşdırılacaq insident isə Şumaxerlə Rikkardo arasında yaşanıb – alman sürücü qəfil sürətini azaldan Daniellə toqquşmaq təhlükəsi yaşayıb. Stroll və Fettel pit-leynə daxil olarkən xətti basdıqları üçün xəbərdarlıq alıblar. Sessiya 34-cü dəqiqədə Bottas 7-ci döngədə qəzas etdiyinə görə qırmızı bayraqlarla dayandırılıb. Fasilə 9 dəqiqə davam edib. Sayns 4-cü döngədə əyləcdən çox sərt istifadə edib və təkəri deşildiyi üçün pit yoluna üz tutub.
Əksər komandalar gətirdikləri yenilikləri yoxlamaqla məşğul olublar. Asfalt tədricən isinib və rezin təbəqə ilə örtülüb. Şarl Leklerin 1:31.098-lik nəticəsi ən yaxşı olub. Məşqlər davam edəcək…
| Yer | N | Sürücü | Komanda | Zaman | Fərq | Dövrə |
| 1 | 16 | Şarl Lekler | Ferrari | 1:31.098 | – | 25 |
| 2 | 63 | Corc Rassell | Mercedes | 1:31.169 | + 0:00.071 | 22 |
| 3 | 1 | Maks Ferstappen | Red Bull | 1:31.277 | + 0:00.179 | 14 |
| 4 | 11 | Serxio Peres | Red Bull | 1:31.301 | + 0:00.203 | 21 |
| 5 | 10 | Pyer Qasli | AlphaTauri | 1:31.498 | + 0:00.400 | 26 |
| 6 | 55 | Karlos Sayns | Ferrari | 1:31.528 | + 0:00.430 | 25 |
| 7 | 23 | Aleksander Elbon | Williams | 1:31.854 | + 0:00.756 | 20 |
| 8 | 44 | Lyuis Həmilton | Mercedes | 1:31.956 | + 0:00.858 | 22 |
| 9 | 20 | Kevin Maqnussen | Haas | 1:32.559 | + 0:01.461 | 20 |
| 10 | 3 | Daniel Rikkardo | McLaren | 1:32.592 | + 0:01.494 | 21 |
| 11 | 4 | Lando Norris | McLaren | 1:32.615 | + 0:01.517 | 25 |
| 12 | 14 | Fernando Alonso | Alpine | 1:32.884 | + 0:01.786 | 30 |
| 13 | 24 | Quanyu Çjou | Alfa Romeo | 1:33.020 | + 0:01.922 | 22 |
| 14 | 5 | Sebastyan Fettel | Aston Martin | 1:33.024 | + 0:01.926 | 23 |
| 15 | 31 | Esteban Okon | Alpine | 1:33.417 | + 0:02.319 | 27 |
| 16 | 18 | Ləns Stroll | Aston Martin | 1:33.576 | + 0:02.478 | 22 |
| 17 | 77 | Valtteri Bottas | Alfa Romeo | 1:33.773 | + 0:02.675 | 13 |
| 18 | 22 | Yuki Tsunoda | AlphaTauri | 1:34.043 | + 0:02.945 | 26 |
| 19 | 20 | Mik Şumaxer | Haas | 1:34.945 | + 0:03.847 | 20 |
| 20 | 6 | Nikolas Latifi | Williams | 1:35.637 | + 0:04.539 | 26 |
