Bu il bir çox komandalar motor təchizatçısını dəyişəcəklər. 2014-cü ildə tətbiqi gözlənilən V6 turbomotorların xarakteristikasından komandaların rəqabətədavamlılığı asılı olacaq, aerodinamikanını optimallaşdırılması effektiv motorsuz üstünlük verə bilməz.
Son həftələr Toro Rosso komandasının Ferrari motorlarından Renault motorlarına keçməsi barədə söz-söhbətlər gəzir, bu gün Barselonada təşkil olunmuş FOTA üzvlərinin azarkeşlərlə görüşündə Marussia komandasının idman direktoru Qreym Loudon təsdiq edib ki, komanda Cosworth-u əvəz edə biləcək motor təchizatçısı axtarır. Cosworth isə çox güman ki, çempionatı tərk edəcək – Britaniya şirkəti heç yeni V6 turbo motorun hazırlanması ilə məşğul olmayıb…
Qreym Loudon: “Mən bildiyimə görə, Cosworth 2014-cü ilin motorları ilə məşğul olmadı. Məncə, onlara yalnız bir komanda üçün işləmək sərf eləmirdi. Ümumiyyətlə, gələn ildən Formula1-də cəmi üç motor təchizatçısı olacaq: Mercedes, Renault və Ferrari. Ona görə biz yeni təchizatçı axtarırıq.”
