F-1.az xəbər verir ki, Frederik Vassyörün Ferrari-nin rəhbəri təyin olunmasından danışan Hyuz fransız mütəxəssisin sələfi Mattia Binotto ilə eyni problemlərlə üzləşəcəyini güman edib.
“Sauber McLaren-dən Andreas Zaydlı cəlb etməklə əla qərar verdi, – deyə Mark Hyuz bildirib. – Zaydl sakitdir, qətiyyətlidir və insanlarla yaxşı yola gedir. Porsche və BMW ilə təcrübəsini nəzərə alaraq Audi-yə uyğun gəlir.
Öz növbəsində, McLaren məntiqli davranaraq Andrea Stellanı komandanın lideri postuna yüksəltdi. O, daha məsul vəzifədə özünü sübut etmək şansı qazanmış qətiyyətli və çox ağıllı mühəndisdir.
Frederik Vassyörə gəlincə, qorxuram ki, o, sələfi Mattia Binotto ilə eyni problemlərlə üzləşəcək. Əslində, problemlər daha ciddi ola bilər, çünki ona komanda başçısı vəzifəsi Binottonun komanda başçısı vəzifəsindən daha az muxtariyyətlə təklif olunub.
Ümid edirəm ki, yanılıram, çünki Frederik yaxşı oğlandır və Ferrari-nin yüksək mövqelər uğrunda mübarizə aparması Formula1 üçün vacibdir. Qısa müddətdə mütləq problemlərlə üzləşməyə ehtiyac yoxdur, çünki kadr dəyişikliyi kifayət qədər təsirli görünən texniki proqrama təsir etməməlidir.
Sual odur ki, o, komanda mədəniyyətində yığılıb qalan, dərin kök salan və yuxarıdan gələn qərarlarla müəyyənləşən problemlərin kökünü tapa biləcəkmi? Narahatlığa səbəb məhz budur…”
