Quru. Günəşli. Havanın temperaturu +29°-32° C, trasın temperaturu +39°-49° C

İlk sessiya kifayət qədər aktiv alınıb. İlk yarım saat ərzində Pirelli-nin təqdim etdiyi əlavə təkərləri bütün sürücülər istifadə ediblər. Hətta, Manor komandasının sürücüsü Uill Stivens də protokollara düşə bilib. Onun komanda yoldaşı Roberto Merhi isə daha sonra trasa çıxa bilib.

Ferrari və Mercedes AMG komandalarında da sürücülərdən birinin maşınında problemlər yaşanıb. Ferrari dördqat dünya çempionu Fettelin problemini tezliklə həll edə bilib və almaniyalı sürücü trasda işləyib. Amma sonuncu dünya çempionu Lyuis Həmilton heç bir nəticə göstərə bilməyib – britaniyalı sürücünün maşınında motor problemi üzə çıxıb və hazırda mexaniklər sürücünü nahardan sonra trasa buraxmağa çalışırlar.

Sessiyanın startında Niko Rosberq ən yaxşı nəticəyə imza atıb, ilk yarım saat ərzində onun təqibçiləri Toro Rosso və Red Bull sürücüləri olublar. Amma sessiyanın sonunda Ferrari sürücüləri sürətləniblər, xüsusən də Kimi Rəykkönen Rosberqə cəmi 0.373 saniyə uduzub.

Lotus komandasının sürücüləri də yaxşı təsir bağışlayıblar. Sessiyanın sonunda isə Daniel Rikkardonun maşınında problemlər meydana gəlib. F-1.az xatırladır ki, nahardan sonra sürücülər işlərini davam etdirəcəklər…

Nəticələr belə olub:

Quru. Günəşli. Havanın temperaturu +25°-29° C, trasın temperaturu +31°-37° C

Yürüşlərin Sepanqda səhər sessiyası kifayət qədər aktiv keçib. Artıq ilk dəqiqələrdən bütün sürücülər trasa çıxıblar, kiçik fasilədən sonra sürətli dövrələr də başlayıb. Amma Roman Qrojan ikinci dövrəsində 9-cu döngədə dayanmalı olub – Lotus-un problemləri davam edir. Sessiyanın sonunda fransalı sürücü trasa qayıtsa da, əlavə cəmi 2 dövrə vura bilib.

Pastor Maldonado da ilk dövrəsindən sonra maşınını mexaniklərə təhvil verib. Sessiyanın ortalarında venesuelalı sürücü trasa qayıtsa da, bir neçə döngədən sonra motor tüstülənməyə başlayıb və sürücü boksa qayıtmalı olub.

Serxio Peres də sürətli dövrə göstərə bilməyib – Force İndia mexanikləri yanacaq sistemindəki problemləri həll etməli olublar. Kamui Kobayaşi də sessiyanın əvvəlində yavaş sürətli bir neçə dövrə vurub və trasa qayıtmayıb.

Sessiyanın ən yaxşı nəticəsini isə Lyuis Həmilton göstərib, Kimi Rəykkönen ona azca uduzub. McLaren sürücüləri də sürətli olublar, hərçənd, Kevin Maqnussenin maşınında problemlər yaşanıb. Səhvlərsiz də ötüşməyib – Lyuis Həmilton, Fernando Alonso, Felipe Massa, Adrian Sutil trasdan çıxsalar da, ciddi hadisə baş verməyib…

Nəticələr belə olub:

Quru. Günəşli. Havanın temperaturu +25°-27° C, trasın temperaturu +26°-30° C

Bu gün səhər sürücülər trasda əla hava ilə qarşılaşıblar. Proqnozların əksinə olaraq, Kuala Lumpurda gün çıxıb, amma tras hələ çox qızmayıb.

İlk yarım saat ərzində sürücülər yalnız bir dövrə vuraraq boksa qayıdıblar. İlk nəticə Maks Çiltondan sessiyanın sonuna bir saat qalmış gəlib. Tədricən digər sürücülər də trasa axışıblar.

Keçənilki birinci sessiyanın nəticəsi tezliklə yaxşılaşdırılıb – keçən il birinci olmuş Lyuis Həmilton öz nəticəsini üstələyib, amma tezliklə sürücülər onu da üstələyiblər. Sessiyanın sonuna yarım saat qalmış ən yaxşı nəticəyə Mark Uebber imza atıb – 1:36.935.

Kimi Rəykkönen problemlərlə üzləşib – əvvəlcə onun maşınında KERS-in batareyasını dəyişiblər, sonra finlandiyalı sürücünün maşının ötürmələr qutusu ilə problemlər yaşanıb. Amma mexaniklər hər iki halda nasazlıqları operativ aradan qaldıra biliblər.

Adrian Sutil porebriklərə aqresiv hücum zamanı ön antiqanadını zədələyib. Çilton və Alonso da səhvlərə yol veriblər, ispaniyalı sürücünün səhvindən Qutyerres zərər görüb – meksikalı sürücü yavaş Ferrari-dən qaçmağa çalışaraq təhlükəsizlik zolağına çıxmalı olub…

Nəticələr belə olub:

Quru. Günəşli. Havanın temperaturu +31° C, trasın temperaturu +43° C

Lyuis Həmilton səhər məşqlərində ən yaxşı nəticəyə imaz atıb. Britaniyalı sürücü Sepanqın bir dövrəsinə 1.38,021 vaxt sərf edib. İlk üçlüyü Sebastyan Fettel və Niko Rosberq tamamlayıblar.

Hava proqnozu günün ikinci yarısında yağış vəd etdiyi üçün komandalar ləngimədən işə başlayıblar. McLaren, Red Bull və Mercedes AMG sürücüləri dərhal yaxşı sürət nümayiş etdiriblər, Lotus sürücüləri onlardan geri qalmayıblar.

Düzdür, Roman Qrojanın maşınında problemlər üzə çıxıb, amma mexaniklər nasazlığı tez aradan qaldırıblar. Narain Kartikeyanın maşınında isə ötürmələr qutusu imtina edib. Sessiyanın sonunda Mark Uebberin maşınında əyləc mayesi, Censon Battonun maşınında isə yağ axmağa başlayıb.

Nəticələr belə olub:

Quru. Buludlu. Havanın temperaturu +29° C, trasın temperaturu +35° C

Mark Uebber birinci sərbəst yürüşlərin protokollarına başçılıq edib, avstraliyalı sürücü ikinci olmuş Lyuis Həmiltonu saniyə yarımdan çox qabaqlayıb. Digər sürücülər isə Marka iki saniyədən çox uduzublar.

Sessiya ciddi insidentlərlə müşaiyət olunub. İlk dəqiqələrdə boksu tərk edən Narain Kartikeyanın maşınında motor imtina edib. Bundan bir az sonra Nik Haydfeldin maşınında ön sağ təkər ilişib, boksa qayıdan alman sürücü trasa bir daha çıxmayıb. Lotus Renault GP komandasının sürücüsü Vitaliy Petrov boksda bir saat gözlədikdən sonra trasa çıxıb, amma ikinci sürətli dövrəsində ön sol təkərin asılqanı dağılıb. Son dəqiqələrdə isə oxşar problemlər Jerom D’Ambrozionun maşınında yaşanıb.

Sessiyanın çox hissəsini sürücülər yeni elementləri yoxlayıblar, sonra isə sürətlər artıb – Mixael Şumaher üçüncü olub, Niko Hülkenberq isə dördüncü, amma 15-ci olmuş Cencon Batton Nikoya cəmi yarım saniyə uduzub.

Nəticələr belə olub: