Keçmiş Formula1 sürücüsü Alan Makniş BBC Radio 5 Live radiokanalının efirində dünya çempionatının yarışlarını analitik kimi şərh edəcək. Alan radiokanalın daimi şərhçisi Ceyms Allenlə əməkdaşlıq edəcək.
Mövsüm yalnız 9 Qran Prisini canlı yayımlayacaq BBC One telekanalından fərqli olaraq, BBC Radio 5 live hər bir yarışı canlı yayımlayacaq. Radioefirlə yanaşı dinləyicilər Allen və Makniş cütlüyünə BBC Sport saytında da qulaq asa bilərlər.
BBC-nin teleyayımlarını da dəyişikliklər gözləyir. BBC Two kanalında sərbəst yürüşlər yayımlanacaq. Qran Priləri Ceyk Hamfrini əvəz etmiş Syuzi Perri təqdim edəcək, əsas şərhçilər heyəti isə dəyişməz qalır: Ben Edvards, Dəvid Kulthard və Eddi Cordan.
Formula1-in əfsanəvi aparıcısı Marrey Uolker də işsiz qalmayacaq – o, videoarxivlər əsasında tarixi buraxılışlar hazırlayacaq və hər bir yarış ərəfəsində mərhələnin tarixi barədə yazılar hazırlayacaq…
