F-1.az xəbər verir ki, onun tikintisi dörd il çəkib, layihə 200 milyon avroya başa gəlib və tras Budapeştdən 90 km-dən az məsafədə yerləşir. Dövrənin uzunluğu 4.115 km olan tras FİA Grade 1 spesifikasiyasına, eləcə də FİM-in (motosiklet federasiyasının) tələblərinə cavab verir.
Onun üzərində hərəkət saat əqrəbinin hərəkətinin əksinə təşkil olunub, dövrə 6 sağa və 10 sola döngədən ibarətdir və 2-ci dərəcə kateqoriyasında sertifikatlaşdırıldığı halda istənilən səviyyəli avtomobil idmanı üzrə beynəlxalq yarışlar üçün nəzərdə tutulub.
Təqdimat mərasimində keçmiş Formula1 sürücüsü Cankarlo Fizikella iştirak edib. Xatırladaq ki, Fizika F1-də üç Qran Pri qələbəsi qazanıb, həmçinin dözümlülük yarışlarında çoxsaylı uğuru olub, o cümlədən iki dəfə 24 saatlıq Le Man yarışında GTE Pro sinfində Ferrari-nin sükanı arxasında qalib gəlib.
Cankarlo Fizikella: “Balaton Park trasında ilk dəfə maşın sürəndən sonra onun xarakteri məni heyran etdi. Burada sizə lazım olan hər şey var: həyəcanverici yüksək sürətli dönüşlər, çətin sancaqlar və maraqlı şikanlar. O, təbii konfiqurasiya ilə seçilir, ona görə də pilotluq etmək böyük zövqdür. Birinci döngə və arxa düzlüyün sonu ötmənin mümkün olduğu əsas yerlərdir”.
Bokslar kompleksi 48 qarajdan ibarətdir, paddok üç ayrı zonaya bölünüb, burada azarkeşlər, VİP qonaqlar və jurnalistlər üçün əla şərait yaradılıb. İndiyədək cəmi 10 000 oturacaq üçün nəzərdə tutulmuş daimi tribunalar tikilib, lakin avtodromun planlaşdırılmış tutumu 120 000-dir ki, bu da bir neçə müvəqqəti tribunaların quraşdırılmasını nəzərdə tutur.
2024-cü il mövsümünə qədər 4 ulduzlu hotelin tikintisi başa çatacaq, avtomobil muzeyi və ictimaiyyətin diqqətini cəlb edəcək digər obyektlərin təşkili də nəzərdə tutulub.
Hələ iyunun 10-da Porsche yeni trasda Xəyal Festivalı keçirəcək: 75 il əvvəl Porsche 356 modelinin istehsalına başlanılıb, bu brend altında istehsal olunan ilk idman avtomobili indi əfsanəyə çevrilib.
