Quru. Günəşli. Havanın temperaturu +29°-31° C, trasın temperaturu +44°-49° C

Adətən Hunqarorinqdə trasın vəziyyəti uik-endin gedişində yaşılaşır, komandalar sazlanmalar və təkərlər üzrə əsas işi şənbə günü səhər məşqlərinə saxlayırlar. Amma bu gün sürücülər yenə də sürüşkən və isti asfaltda ilişmənin az olmasından gileyləniblər.

Force İndia dünən Serxio Peresin maşınında asılqanın sınması üzündən demək olar ki, işləməmişdilər, amma bu gün səhər mühəndislər problemin müvəqqəti həllini tapıblar – arxa asılqanın əsas linki karbonla möhkəmləndirilib.

Sessiyanın ilk yarısında komandalar Medium tərkiblər işləyiblər – dünən bir çox sürücülər bu tərkiblə problemlər yaşamışdılar, sessiyanın ikinci yarısında isə sürücülər Soft-a keçiblər. Yenə də trasda hamı səhvə yol verib, trasdan çıxıblar, amma ciddi insident yaşanmayıb.

Ferrari sessiya problemsiz ötüşməyib – Sebastyan Fettel sessiyanın əvvəlini boksda gözləməli olub, Kimi Rəykkönen isə ikinci yarını boksda oturub – maşının soyuducu mayesi axıb.

Protokollara isə yenə də Lyuis Həmilton başçılıq edib – 1:22.997, bu dəfə Niko komanda yoldaşına çox cüzi uduzub, amma son dəqiqələrdə onun maşını pit-leynin çıxışında donub qalıb – marşallar maşını geri itələməli olublar. F-1.az xatırladır ki, 2 saatdan sonra Formula1-in sıralanma turu başlayacaq…

Nəticələr belə olub:

Quru. Günəşli. Havanın temperaturu +31°-32° C, trasın temperaturu +44°-46° C

Bu gün səhər komandalar cümə günü topladıqları məlumatın təhlilindən sonra sazlanmalara düzəlişlər ediblər. Bir çox sürücülər sıralanma turuna vurğu ediblər ki, startda daha yüksək mövqe qazansınlar – Hunqarorinqdə ötmək olduqca çətindir.

Sessiya sakit keçib, amma sona 2 dəqiqə qalmış Serxio Peres 11-ci döngədə qəzaya uğrayıb – McLaren-in mexanikləri maşını sıralanma turuna bərpa etmək üçün ciddi çalışmalıdırlar.

Esteban Qutyerresin maşınında motor problemi yaşanıb və o nəticə göstərə bilməyib, protokollara isə Roman Qrojan başçılıq edib – 1:20.730, ilk 12 sürücü bir saniyəyə yerləşib. Sıralanma turu maraqlı olacaq!

Nəticələr belə olub:

Quru. Günəşli. Havanın temperaturu +27°-28° C, trasın temperaturu +40°-42° C

Bu gün səhər hava komandaların məhsuldar işləmələrinə şərait yaradıb və komandalar dünən başladıqları işlərini davam etdiriblər. Dünən sürücülər Soft tərkibi ilə uzun məsafələrdə çalışa bilməmişdilər, ona görə də bu gün əsasən bu təkərlərdə uzun dövrələr seriyası edilib.

Sessiya ciddi insidentsiz ötüşüb, protokollara Mark Uebber başçılıq edib – 1:21.550. İlk 14 sürücü 1 saniyəyə yerləşib – sıralanma turunda mübarizə çox gərgin olacaq…

Nəticələr belə olub:

Quru. Günəşli. Havanın temperaturu +22° C, trasın temperaturu +35° C

Bu gün səhər buludlar göyün üzünü tam tərk ediblər, günəş çıxıb və vəziyyət ənənəvi Macarıstan uik-endini xatırladıb. Asfalt yaxşı qızıb, nəticədə təkərlər də işçi temperaturu asanlıqla yığmaqla sürətlə yeyiliblər.

Sürücülər sessiyaya bərk təkərlərlə başlayıblar, sonda isə az yanacaqla yumşaq təkərlərdə sıralanma turuna sazlanıblar.

Dünən Red Bull sürücüləri sürət çatışmazlığından gileylənirdilər və komanda mövsümdə ilk dəfə “komendant saatı”nı pozmalı olub – mühəndis və mexaniklər bütün gecəni işləməklə vəziyyəti dəyişməyə çalışıblar. Onların işi öz bəhrəsini verib – Sebastyan Fettel protokollara başçılıq edib.

Nəticələr belə olub: