Quru. Günəşli. Havanın temperaturu +27°-28° C, trasın temperaturu +39°-46° C

Nahardan əvvəl iki komanda test sürücüsü ilə çalışıb – sükan arxasına GP2 seriyasının son iki çempionu oturublar: Lotus komandasında mövsümdə 6-cı dəfə Roman Qrojanı 2014-cü ilin çempionu Colion Palmer, Manor komandasında isə Roberto Merhini 2013-cü ilin çempionu Fabio Lyaymer əvəzləyib.

Lotus komandasının sessiyada iştirakı sual altında olub – komanda Pirelli şirkətinin haqqını ödəmədiyi üçün təkərsiz qalıb, problem isə sessiyanın başlamasına bir saat qalmış həll olunub: təkərlər gəlsə də, onların qızdırılması və işçi temperatura çatdırılması zaman tələb edib. Ona görə də Palmer tam işləyə bilməyib.

Adətən, Macarıstan trasında asfalt cümə günü tozlu, çirkli və sürüşkən olur, ona görə də komandalar sazlanmaların axtarışını 2-ci sessiyaya saxlayıblar – 1-ci sessiyada isə aerodinamik yeniliklərin effektliyinə qiymət veriblər: maşınlar trasa müxtəlif ölçmə cihazları və aerodinamik boya ilə çıxıblar.

Məşqlərin bir saatının tamamında qırmızı bayraqlar dalğalanıb – Serxio Peres porebrikin üzərində maşının arxa asılqanının sınması üzündən idarəetməni itirib və baryerlərə çırpılaraq açıb. Serxio maşını özü tərk edib, amma qaydalara görə tibbi mərkəzə göndərilib və sonra komandanın boksuna qayıdıb. Maşın ciddi zədələnib, onun təxliyyəsi xeyli vaxt aparıb.

İkinci dəfə qırmızı bayraqlar sessiyanın sonunda göstərilib – 12-ci döngənin çıxışında gözlənilmədən Kimi Rəykkönenin maşınında ön antiqanad sınıb. Sessiyanın finişinə 1 dəqiqə qalmış restart verilib və bəzi sürücülər start proseduruna hazırlaşmaq üçün trasa çıxıblar.

Protokollara isə Lyuis Həmilton başçılıq edib – 1:25.141 (keçənilki nəticəni 0.7 saniyə yaxşılaşdırıb), ən çox məsafəni isə Maks Ferstappen qət edib. F-1.az xatırladır ki, nahardan sonra Formula1 məşqləri davam edəcək.

Nəticələr belə olub:

Quru. Günəşli. Havanın temperaturu +29°-30° C, trasın temperaturu +38°-44° C

Bu gün səhər çox isti olub, sürücülər trasa çıxmağa başlayanda Hunqarorinqdə asfalt örütüyünün temperaturu +40 dərəcəyə çatıb. Macar trası çox az istifadə olunur, ona görə də trasın vəziyyəti yaxşı olmayıb və top-komandaların sürücüləri boksları tərk etməyə tələsməyiblər.

Marussia-da Mak Çiltonu sükan arxasında Rodolfo Qonsales əvəz edib, qalan komandalar əsas sürücüləri ilə işləyiblər.

Bu Qran Pridən başlayaraq komandalar yeni Pirelli təkərlərindən istifadə edəcəklər – 2012-ci ilin konstruksiyası və 2013-cü ilin tərkibi, Hunqarorinqdə yeni Medium və Soft debüt ediblər.

Ciddi insident baş verməyib, Jan Erik Vern 4-cü döngədə trasdan çıxsa da, problemsiz geri qayıda bilib. Protokollara Sebastyan Fettel başçılıq edib, Mercedes AMG süürücüləri keçən həftə Silverstounda testlərdə işləmədikləri üçün bu gün ən böyük məsafə qət ediblər.

Nəticələr belə olub:

Quru. Günəşli. Havanın temperaturu +26°-27° C, trasın temperaturu +35°-38° C

Silverstoun və Hokkenhaymda cümə sərbəst yürüşlərində komandaların işinə yağış mane olmuşdu, Budapeştdə isə bu gün səhər isti olub.

Trasın vəziyyəti yaxşı olmayıb, amma komandalar hazırladıqları yeniliklərin effektliklərini qiymətləndirə biliblər – maşınlar trasa müxtəlif ölçü cihazları ilə çıxıblar. Bəzi komandalar hətta bir aylıq fasilədən sonra cütləşmiş Spa və Monsa yarışları üçün hazırladıqları yenilikləri də yoxlayıblar.

Üç komandada gəc sürücülər işləyiblər – Bottas Williams-da Sennanı, Byanki Force İndia-da Hülkenberqi və Klos HRT-də Kartikeyanı əvəzləyib.

Sessiya insidentsiz ötüşüb, protokollara isə Lyuis Həmilton başçılıq edib – 1:22.821…

Nəticələr belə olub:

Quru. Buludlu. Havanın temperaturu +21° C, trasın temperaturu +23° C

Gecə yağan yağışdan sonra tras çirkli və sürüşkən olub, ona görə də komandalar trasa tələsməyiblər, sessiyanın gedişində isə bir çox sürücülər trasdan çıxmalı olublar.

Bu gün səhər Bruno Senna yarış uik-endində Lotus Renault GP-nin sükanı arxasında debüt edib, Adrian Sutil isə yerini Niko Hülkenberqə verib, Yarno Trulli öz maşınının sükanı arxasına qayıdıb – italiyalı sürücü sükanın yeni hidrogücləndiricisini yoxlayıb.

Porebriklər sürüşkən olduğu üçün sürücülər risk etməyiblər, Mark Uebber isə 9-cu döngədə trasdan çıxaraq maşının burnunu sındırıb. Protokollara Lyuis Həmilton başçılıq edib…

Nəticələr belə olub: