F-1.az xatrladır ki, italyanlar testlərin birinci həftəsində heyrətamiz performans göstərsələr də, ikinci həftədə hər gün problem yaşayıblar. Ferrari 8 günlük testlərdə sadəcə bir dəfə yarış tempində işləyə bilib.
Mark Zurer: “Testlərdə müxtəlif problemlər yaşadılar. Bir probleminiz varsa, həll etmək olar, amma problemlər çoxdursa, bu, çətin olacaq. Məncə, mühərrik həddən artıq çox qızır. Ferrari-nin arxa hissəsi çox dardır və hava girişi də azdır. Testlərin ikinci həftəsində üstünlükləri azaldı. Birinci həftə yarım saniyə üstün idilər. İkinci həftə isə bu fərq 0.2 saniyə oldu”.
