F-1.az xatırladır ki, ispaniyalı sürücü ABŞ-da həm sprint, həm də əsas yarışda startda ləngiyib. Buna baxmayaraq, bazar günü 4-cü olaraq yaxşı nəticə qazanıb.
Maverik Vinyales: “Pis oldu, çünki yarışı qazana bilərdik. Ən azından mübarizə aparmaq şansımız olardı. Bunun üzərində işləməliyik. Startları təkmilləşdirmək lazımdır. Bunu həll edə bilərik.
Bu, ilişmə muftasının sazlanmaları ilə bağlıdır, çünki komanda yoldaşımda motor fərqli davranır. Aprilia bunu həll etməlidir. Narahat deyilik. Tempimiz var, amma öndə qalıb yarışları qazana bilsək, daha yaxşı olar. İlk üç yarışdan sonra tempimiz yaxşıdır və gözlədiyimizdən sürətliyik. Bu da vacibdir”.
