F-1.az xatırladır ki, hollandiyalı sürücü Avstriya yarışının sonlarında Leklerə hücum edib və iki sürücü döngənin çıxışında təmas yaşayıblar. Red Bull komandasının sürücüsü buna görə stüardlar tərəfindən araşdırılır.
Maks Ferstappen: “Startdan sonra yarışın bitdiyini düşündüm. Amma mübarizə apardıq. Yarışa başladığım təkərləri bloka salmışdım. Lakin pit-stopdan sonra uçmağa başladıq. Düzlükdə sürətimiz yaxşı idi. Bütün komandaya, həmçinin, Honda-ya görə xoşbəxtəm. Burada qalib gəlmək gözəldir. Sərt yarış idi, ancaq bunu etməyəcəyiksə, gedək evdə oturaq. Yarışlarda belə mübarizələrə icazə yoxdursa, niyə buradayıq?”
