F-1.az xatırladır ki, hollandiyalı sürücü bu mövsüm qüsursuz həftəsonu keçirməyib və hazırda komanda yoldaşından iki dəfə az xal toplayıb.
Maks Ferstappen: “Keçənilki Kanada yarışı mənim üçün pis bitmişdi. On dövrədən sonra mühərrik probleminə görə mübarizəni dayamdırmalı olmuşdum. Lakin builki bolidimiz yaxşı işləməlidir. Buna görə də yaxşı nəticəyə ümid edirəm. Üstəlik keçənilki pis nəticəni də kompensə etməliyəm.
Jil Vilnövün adını daşıyan trasda son şikanaya yaxşı düşmək vacibdir. Yüksək sürətlə gedirsiniz və əylənmə nöqtəsində əyləclər soyuq ola bilər. Buna görə də həmişə diqqətli olmalısınız. O şikandan çıxanda divara da yaxınlaşırsınız. Divara sürtülməməlisiniz. Əks halda təkər diskinə zərər verə bilərsiniz”.
