F-1.az xatırladır ki, hollandiyalı sürücünün komandası ilə müqaviləsi 2020-ci ilin sonunda bitir. Gənc sürücünü həm Mercedes, həm də Ferrari heyətinə qatmaqda maraqlıdır.
Maks Ferstappen: “Red Bull-da nə qədər qalacağımı bilmirəm. Çətin sualdır. Gələn il üçün müqaviləm var. Daha sonra yeni reqlament olacaq və hələ heç nə məlum deyil. Heç bir komanda nə edəcəyini bilmir.
Təbii ki, hamı qalib gəlmək istəyir. Həmişə sürətli komandada yarışmaq istəyərsiniz. Lakin Red Bull-un yaxşı yerdə olacağına inanıram. Bu komanda ardıcıl 4 dəfə çempion olub və Honda ilə tərəfdaşlığa başlayıblar. Yeni tərəfdaşlığa başlayanda çətin olur və gələn il inkişaf etməliyik”.
