F-1.az xatırladır ki, komandanın cari sürücüləri heç vaxt Avstraliyada qalib gəlməyiblər.
Maks Ferstappen: “Mən Avstraliyaya yeni səyahəti səbirsizliklə gözləyirəm. Ora getməyi, Melburnda vaxt keçirməyi xoşlayıram, baxmayaraq ki, oradakı yarışlarda bəxtimiz gətirməyib.
Tras əladır, bir neçə yüksək sürətli döngələr var – maşını idarə etmək xoşdur. Ümid edirəm ki, yaxşı yarış keçirəcəyik. Amma bunun üçün problemsiz həftə sonu keçirmək lazımdır. Komandamız 2011-ci ildən bəri burada qələbə qazana bilmir, görək bu dəfə necə olacaq”.
