F-1.az xatırladır ki, Eriksson keçən il tam mövsüm keçirməklə xal almayan yeganə sürücü olmuşdu. İsveçli sürücünün ən yaxşı nəticəsi isə Bakıdakı 11-cilik olmuşdu.
Markus Eriksson: “Sauber-in köhnə mühərriklə yarışacağını eşidəndə bilirdim ki, çətin mövsüm olacaq. Hamı 2016-cı ildə eyni halı yaşamış Toro Rosso-nun necə olduğunu görmüşdü. Amma biz şassimizi təkmilləşdirməyə çalışdıq və uğurlu alındı. Komandadakı hər kəs yaxşı işlədi və bolidi təkmilləşdirə bildilər. Bütün resurslarımızı 2018-ci ilə yönləndirdiyimiz üçün yay tətilindən sonra nəticələr pisləşdi. Amma gələn il belə olmayacaq. Güclü ortaqlarımız var və inkişafa davam edəcəyik. Qışda yaxşı işləyib gələn il güclü olmaq istəyirik”.
