F-1.az xatırladır ki, Bəhreyn yarışının startından sonra Ləns Stroll dördüncü döngədə Alonsoya arxadan təmas etmişdi.
Martin Brandl: “İki Aston Martin sürücüsünün ilk dövrənin dördüncü döngəsində təmas etməsi fərqli ssenarilər yarada bilərdi. Fernandonun sağ arxa təkəri partlayardı və Lənsin ön qanadı qırılardı.
Yarışdan sonra Fernando maşından düşdü və “Ləns, sən mənim qəhrəmanımsan” dedi. Orada başqa sözlər də işlədə bilərdi. Yarış vaxtı radiodan ona vuran sürücünün cəza alıb-almadığını soruşması gülməli idi”.
