Formula1-in məşhur fotoqrafı Darren Hitin işləri fevralın 4-dən Londonun Collyer Bristow qalereyasında nümayiş olunacaq. “Formula1 ehtirasdır!” adlı ekspozisiyaya Hitin 1991-2012-ci illlərdə çəkdiyi ən yaxşı fotolar daxildir, əsas qəhrəmanlar isə Ayrton Senna, Mixael Şumaher, Fernando Alonso, Lyuis Həmilton, Sebastyan Fettel, Censon Batton və Dəymon Hilldir.
Hit Formula1-in əfsanəvi fotoqraflarından biridir, McLaren, Ferrari, Ford, Jaguar, BMW, Toyota, Philip Morris, BAT, Vodafone, Bridgestone, FIA, Henri Lloyd, Time, F1Racing, Car Graphic, F1 Sokuho, F1 Scene, Car, Top Gear, The Sunday Times, The Telegraph, The Observer, The Financial Times və The Sun üçün gözəl şəkillər çəkib.
Sərgi fevralın 28-nə qədər davam edəcək. Əgər bu günlərdə Londondan olsanız, mütləq sərgiyə baş çəkin. Bütün işlər məhdud sayda satışa çıxarılacaq.
