F-1.az xatırladır ki, kanadalı sürücü mövsümə çox pis başlamış və mövsümün ilk 3 yarışında finiş görə bilməmişdi. 18 yaşlı sürücü son iki yarışda damalı bayrağı görsə də, xal üzünə həsrət qalıb.
Ləns Stroll: “İlk yarışıma çıxanda üzərimdə təzyiq çox idi və artıq bunu azaltmışam. Hər yarışdan sonra haqqımda danışan insanlar olur, lakin bunlar mənim üzərimdəki təzyiqi artırmır. Bəzilərinə isə gülürəm.
Formula1-ə gələnə qədər aşağı seriyalarda çempionluqlar yaşadım. Buraya sadəcə pulumun hesabına gəlməmişəm. Uğurlarımın gözardı edilməsi doğru deyil. Bəli, ilk 5 yarış mənim üçün çətin keçdi, amma bu normal haldır. Mən əlimdən gələnin ən yaxşısını etməyə davam edəcəm. Uğurlu nəticələr tezliklə gələcək”.
