F-1.az xatırladır ki, kanadalı sürücü Bəhreyndə sıralanma turunda debütant komanda yoldaşı Sergey Sirotkinin gerisində qalıb və sonuncu yeri tutub.
Ləns Stroll: “Həftəsonu çətin keçir. İki bolidin də sıralanma turunun ikinci sessiyasına keçə bilməməsi çox pis oldu. Əksər şeylər qaydasında deyildi. Bolidin balansı zəif idi, asfaltla ilişmə heç ideal deyildi. Sürətlənməliyik. Keçən il buradakı sıralanma turunda atdığım dövrə builkindən 0.4 saniyə sürətli idi. Ümid edirəm ki, yarışda daha güclü ola bilərik və daha yaxşı performans göstərərik. Amma hazırda paketimiz yüksək yerlər uğrunda mübarizəyə imkan vermir”.
