F-1.az xəbər verir ki, britaniyalı sürücü yalnız totul uğrunda mübarizə apara biləcəyi halda komandasını dəyişə biləcəyini deyib.
Lando Norris: “Hər kəs seçim etmək istəyir, ona görə də sürücülər görünən və mövcud olan bütün variantlardan xəbərdar olmaq üçün mümkün qədər çox insanla ünsiyyət qururlar. Bu, hansı variantın ən yaxşı olduğu sualına aydın cavab verməyə imkan verir.
McLaren-i uzunmüddətli perspektivdə mənim üçün ən yaxşı variant hesab edirəm, ona görə də bir vaxtlar komanda ilə dərhal dördillik müqavilə imzalamışdım. Digər komandalarla bütün ünsiyyətim çox uzağa getməyən adi söhbətlərdən kənara çıxmadı. Heç bir şey məni McLaren-də karyeramı davam etdirmək perspektivindən daha çox şirnikləndirə bilmədi.
İnanıram ki, başqa komandaya keçməli olsam, o şərtlə razılaşardım ki, qələbələr və titullar üçün mübarizə apara biləcəm. Mən açıq şəkildə şərt qoyardım ki, iki nömrəli sürücü olmağa və ya öz maraqlarım üçün maksimum hərəkət edə bilməyəcəyim bir vəziyyətdə olmağa razı deyiləm. Başqa sözlə, yarışlar və titullar qazanmaq istəyirəm”.
