F-1.az xatırladır ki, avstraliyalı sürücü mövsümün ilk 3 yarışında komanda yoldaşı Norrisdən geridə qalıb. Britaniyalı sürücü Rikkardo ilə Saynsı müqayisə edib.
Lando Norris: “Daniel çox yaxşıdır! (zarafatca). Məncə, onların sürüş tərzləri fərqlidir. Hətta, çox fərqlidir. Daniel sürüş tərzinə uyğun maşın istəyir. Karlos isə daha zəif maşınlarda daha yaxşı işlər görürdü. Bu cəhətdən çox güclüdür. Hazırda yalnız bunu deyə bilərəm. Daneilə uyğun maşın verməsəniz, özünə olan inamını itirir. Əksər sürücülərdə olduğu kimi… Bu problemi təkcə Daniel yaşamır”.
