F-1.az xatırladır ki, Şarl Lekler Bakıda ardıcıl 3-cü poulunu qazanıb…
Loran Mekis: “Əlbəttə, Şarlın poul mövqeyi onun üçün və komanda üçün əla nəticədir. O, həqiqətən bu trasa xüsusi yanaşma tapmağı bilir və bu, ona rəqiblərindən bir az daha sürətli dairə sürməyə imkan verir. Əvvəlki iki ildə də o, Bakıda poul qazanıb, lakin bu dəfə hər iki Ferrari maşınının ilk dördlükdə olması da əladır.
Avstraliya Qran Prisindən sonra komanda çox çalışdı, Melburnda, ümumiyyətlə, xal qazanmasaq da, hələ də bəzi müsbət əlamətlər gördük və bu gün düzgün istiqamətdə getdiyimiz təsdiqləndi.
Parametrlər haqqında danışsaq, belə çıxır ki, yalnız bazar günü əsasında təsnifat və yarış parametrləri arasında nə qədər düzgün kompromis tapa bildiyimizi söyləmək mümkün olacaq. Hər halda, yaxşı haldır ki, bazar günü biz poul mövqeyindən başlayırıq, sonra isə maşınımızın hansı yarış tempinə qadir olacağını görəcəyik.
Bundan əlavə, hər iki Ferrari sürücüsünün Red Bull ilə rəqabət apardığını vurğulamaq lazımdır – deyə bilərsiniz ki, bu gün ilk dördlük təkbaşına idi, hamını xeyli qabaqlayırdı. Vacibdir ki, sıralanmadan əvvəl çox qısa müddət ərzində trasda işləyə bilsək də, belə sürət göstərə bildik. Amma biz hər yarışda nəzərəçarpacaq dərəcədə təkmilləşdik və indi toplanan məlumatları təhlil etməyə davam edəcəyik və sabah və bazar günü reallıqda qüvvələr balansının necə olacağını görəcəyik.
İndi bizim əsas vəzifəmiz yarış tempini artırmaqdır, komandanın bütün səyləri buna yönəlib. Təbii ki, biz başa düşürük ki, Red Bull avtomobilləri DRS-ə gəldikdə ən effektivdir, lakin biz də bu məsələ üzərində işləyirik, bu sahədə də təkmilləşdirməyə çalışırıq”.
