F-1.az bildirir ki, 5 ildir hər iki cəbhədə qalib olan “gümüşü oxlar” bu il də titulunu qorumaq istəyirlər.
Reklam çəkilişində sükan arxasına əvvəlcə keçən il uğursuz çıxışı ilə yadda qalmış Valtteri Bottas keçib. Finlandiyalı sürücü bolidin keçənilkindən fərqləndiyini deyib: “Əyləncəli idi. Daha fərqli hiss edirəm. Qətiliklə deyə bilərəm ki, eyni maşın deyil”.
Daha sonra sükan arxasına keçən beşqat Dünya Çempionu Lyuis Həmilton isə komandanın gördüyü işdən təəccüblənib: “Bolidə öyrəşirəm. Bu inanılmaz maşını düzəldən istedadlı mühəndislər məni təsirləndirirlər”.
Lyuis Həmilton daha sonra sosial şəbəkə üzərindən paylaşdığı şəkilə “heç nə W10-u məğlub edə bilməz” yazıb.
