F-1.az xatırladır ki, britaniyalı sürücü Meksikada titulu qazandıqdan sonra Braziliya və Əbu Dabidə qələbə qazana bilməmişdi. Qeyd edək ki, 32 yaşlı sürücü 2015-ci ildə də sona 3 yarış qalmış çempionluğu elan etdikdən sonra qələbə qazana bilməmişdi.
Lyuis Həmilton: “Məncə, 2015-ci ildə daha çox zəifləmişdim. Hər yarışa qalib gəlmək üçün çıxsam da, hərdən belə çətin dövrlər olur. Bu il çempion olduqdan sonra qələbə üçün hər şey etsəm də, əyləncələrə çox vaxt sərf etdiyim üçün bir az ideal formamdan uzaqlaşdım. Bir şey qazananda onu qeyd etmək lazımdır və mən də bunu etdim. Qalan iki yarış da mənim üçün önəmli idi, amma özümə də vaxt ayırmalıyam. Mercedes olaraq hər cəbhədə uğur qazandıq və mövsümün son yarışında dubl etdik. Gələn il yenidən bunu təkrarlamaq istəyirik”.
