F-1.az xatırladır ki, britaniyalı sürücü son qələbəsini 2017-ci ilin Amerika yarışında qazanıb və artıq 6 yarışdır ki, qələbə üzünə həsrətdir. Avstraliyada hesablama səhvinə görə qələbəni əldən verən dördqat Dünya Çempionu Bəhreyn və Çində komanda yoldaşı Bottasdan zəif təsir bağışlayıb.
Jak Vilnöv: “Həmilton böhran yaşayır və çempionluq yolunda vacib xallar itirir. Bu, onun üçün yaxşı xəbər deyil. Melburnda mükəmməl sıralanma turu performansından sonra bolidi əvvəlki kimi sürə bilmir. Keçən il böhranda olduğu dövrlərdə çox şey itirmişdi. Yarışlarda yuxuya getdiyi üçün geridə qaldı. Bəs nə vaxt oyanacaq?”.
