F-1.az xəbər verir ki, ona uzadılan mikrofonu götürən Lyuis bir anlıq duruxub və cümə axşamı təşkil olunan mətbuat konfrasında Snapchat-a baxmaq məsələsinə görə özünə hörmətsizlik edildiyini bildirərək zalı tərk edib. O, deyib: “Üzünüzdəki təbəssüm yox olacaq. Bura suallarınıza cavab vermək üçün gəlməmişəm. Mənə dəstək olan hər kəsə hörmət edirəm və burada çoxlu insan var. Onların kim olduqlarını hamı bilir. O gün məqsədim sizə hörmətsizlik etmək deyildi və belə etdiyimi də düşünmürəm. Sadəcə bir qədər əyləndim. Təəssüf ki, bəziləri bundan istifadə etdi və başqa formada qələmə verdi. Buna görə də indi burada oturmaq niyyətim yoxdur. Hamıdan üzr istəyirəm. Sizə xoş həftəsonu keçirməyi arzulayıram”.
