F-1.az xatırladır ki, Lyuis Həmilton son iki ildə Dünya Çempionu titulunu qazansa da, şəxsi həyatına görə tez-tez gündəmə gəlir. Britaniyalı bu il turnir cədvəlində Rosberqdən geri qalsa da, Monako yarışında qələbə qazandıb. Ancaq Felipe Massa Həmiltonun Formula1-ə fokuslanmadığını düşünür: “O, Formula1-dən sonrakı həyatı üçün hazırlaşır və bu, onun karyerası üçün problem yarada bilər. Bəlkə də diqqətini yarışlara verə bilmir. Diqqətini cəmləməlidir. Buna görə də yaşam tərzinə fikir verməlidir”.
Massa bu sözlərindən sonra Kanada QP-nin birinci sərbəst yürüşlərində qəza edib.
Həmilton bu hadisədən sonra fikirlərini bildirib: “Felipe Massanın mənim barəmdə “yarışlara fokuslanmalıdır” deməsindən sonra bu qəzası qəribə oldu. Birinci döngədə qəza etdi! Mən işimə çox yaxşı fokuslanıram və məncə, bunu göstərirəm. Göstərməyə də davam edəcəm”.
