F-1.az xatırladır ki, britaniyalı sürücü Bəhreyndə sıralanma turunun birinci və ikinci sessiyaslnda 1-ci yeri tutsa da, son sessiyada bu üstünlüyünü qoruya bilməyərək yeni komanda yoldaşı Valtteri Bottasa ilk dəfə məğlub olub.
Lyuis Həmilton: “Birinci Valtterini təbrik edirəm. Bu gün əla işlədi və poula layiq idi. Gəldiyi gündən çox işləyir. Sıralanma turunda da sürətli idi və məni qabaqladı. Onun qarşısında baş əyməkdən başqa heç nə edə bilmərəm. Sıralanma turunun son sessiyasındakı ilk dövrəm yaxşı idi, amma Valtteri ilə yaxın idik. Onda başa düşürdüm ki, əla iş görüb. İlk sektorda zəif idim və bu gün də orada Valtteriyə bir az uduzdum. Son iki sektorda yaxın olsaq da, onu keçə bilmədim. İkimiz də maksimum həddə getdik və mübarizədən həzz aldım. Komanda üçün əla gün oldu və yarışa ilk cərgədən başladığımız üçün xoşbəxtəm”.
