F-1.az xatırladır ki, britaniyalı sürücü qış testlərinin son günündə 97 dövrə vurub. Gün ərzində yarış tempində işləyən sonuncu çempion 1:19.464 zaman nəticəsi ilə 11-ci olub.
Lyuis Həmilton: “Yaxşı test oldu. Planlaşdırdığımız hər şeyi etdik. Etibarlılıq yaxşı idi. Komandadakı işçilər əllərindən gələni edirlər. Komandanın performansı qürurvericidir. Əlimizdəki məlumatlardan çox razıyıq. Həm bolid, həm də tras keçən ilə nisbətən sürətli idi. Yarış tempinin sonunda 1:19-la gedirdim və bunu keçən il ancaq sıralanma turunda edə bilərdim. Red Bull və Ferrari ilə müqayisədə harada olduğumuzu bilmirəm. İlk yarışa qədər müəmmalı qalacaq. Testlərdə ilk yarışa hazırlaşmaq üçün bütün məlumatları topladıq. Hər şey qaydasında idi”.
