F-1.az üçqat dünya çempionunun İnstagram səhifəsində maraqlı videoçarx izləyib. Videoda yerli taksi sürücüsü ona deyir ki, “sən Formula1 sürücüsü Lyuis Həmiltona çox oxşayırsan”. Britaniyalı sürücü sualı təsdiq etmədən, onun Lyuisə münasibətini öyrənməyə çalışır.
“Lyuis ideal sürücüdür və yaxşı bilir ki, maşını necə idarə etmək lazımdır”, – deyə taksi sürücüsü cavab verib. Lyuis dəqiqləşdirmək istəyib ki, “onu ən yaxşı sürücü hesab etmək olarmı?” “O, ən yaxşıdır”, – taksi sürücüsünün cavabı belə olub və başa düşməyib ki, sərnişini kimdir.
Bu birinci dəfə deyil ki, Lyuisi küçədə tanımırlar. Keçən il Avstraliyanın Sidney şəhərində gənc ailə küçədə Lyuisi tanımayaraq, xahiş etmişdilər ki, fotoaparatla onların şəklini çəksin…
