Keçən il komandalar Red Bull və Ferrari maşınlarında ön antiqanadların reqlamentdə nəzərdə tutulan səviyyədən aşağı enməsindən narazı idilər – bu narazılığa baxmayaraq RB6 və F10 bağlı parkda texniki təftişdən asanlıqla keçirdilər.
Ön antiqanadın kənarlardan aşağı enməsi asfalta yatma qüvvəsini artırır, amma Red Bull mühəndislərinin buna necə nail olmalarını heç kim bilmir, axı parametrlər reqlamentdə aydın göstərilib və hamı üçün eynidir.
Şayiələrə görə, komandanın mühəndisləri xüsusi proqram təminatı hazırlayıblar, bu proqram fibrokarbon yarpaqlarından qanadın hazırlanması zamanı müxtəlif xarakeristikalar formalaşdırır. Alınmış qanad FİA-nın testlərini müəyyən yüklənmə zamanı formasını dəyişmədən keçir.
Melburnda qanadın asfalta yaxınlaşması aydın görünürdü, amma komandalar şikayət etməkdən çəkiniblər – FİA-nın standart metodları qanunpozuntusunu müəyyən etmir, deməli, belə qanadı düzəltmək olar və yarışlarda tətbiq eləmək olar.
FİA-nın yarış direktoru Çarli Uaytinq Bild-in jurnalistlərinə bildirib ki, “bu barədə bizə şikayət daxil olmayıb, ön antiqanadın test yoxlamaları keçən illə müqayisədə daha ciddiləşib, amma bütün maşınlar testlərdən uğurla keçiblər.”
