F-1.az xatırladır ki, sprint öncəsi yeni şənbə təsnifatı birinci və ikinci hissələrdə komandalar yeni Medium, finalda isə yeni Soft tərkiblərindən istifadə etməlidirlər. Bununla belə, reqlamentdəki sözlər elə yazılıb ki, komandaları şənbə günü üçün yeni Soft dəstini saxlamağa məcbur etmir.
Nəticədə, yüksək mövqelərə iddialı olmayan komandalar bazar ertəsi yarışın başlanğıcında daha yüksək yer tutmaq üçün cümə sıralanma turunda mövcud olan bütün yeni Soft dəstləri istifadə edə, standartlara əməl edərək, daha çox cəhdlər edə bilərlər.
FIA, şənbə günü komandaları yeni Soft dəstindən imtinaya məcbur edərək, boşluğu bağlamağa və sözləri dəyişdirməyə cəhd edib. Cümə günü komandalar səsvermədə iştirak ediblər. Lakin FİA-nın reqlamentin dəyişdirilməsi təklifi lazımi sayda – 8 səs toplaya bilməyib.
Beləliklə, Bakıda reqlament dəyişməz qalacaq, lakin FIA növbəti sprintə qədər reqlamenti dəyişdirmək üçün daha bir cəhd edəcək.
Xatırladaq ki, yeni formata əsasən, cümə günü baş tutan sıralanma turu əsas yarışın, şənbə günü baş tutacaq ikinci sıralanma turu isə sprint yarışının start düzümünü müəyyən edəcək. Şənbə günü baş verənlər (bəzi verilə biləcək cəzalar istisna) əsas yarışın startına heç bir təsir etməyəcək.
