Mövsümün sonunda Britaniyanın Autosport həftəliyinin jurnalistləri çempionatda iştiark edən komandaların başçıları arasında ənənəvi rəy sorğusu keçiriblər. Horner, Domenikali, Uitmarş, Bulye, Braun, Kaltenborn, Förnli, Uilyams, Tost, Abitebul, But və Peres Sala məxfi qaydada mövsümün ən yaxşı on sürücüsünün siyahısını jurnalistlərə təqdim ediblər.
Jurnalistlər isə hər bir siyahıya çempionatda tətbiq olunan xalhesablama sistemi üzrə xal veriblər, yəni siyahıda 1-ci olan sürücüyə 25, 2-ci olan sürücüyə 18, 10-cu olan sürücüyə isə 1 xal veriblər.
Qeyd edək ki, son illərdə bu mükafat yalnız Sebastyan Fettel və Fernando Alonsoya qismət olur. 2009-cu ildə komanda başçıları Fettelə, 2010-cu ildə Alonsoya, 2011-ci ildə isə yenidən Fettelə səs vermişdilər. Ənənə pozulmayıb və bu dəfə Alonso böyük üstünlüklə sorğuda birinci olub…
1. Fernando Alonso – 269
2. Sebastyan Fettel – 198
3. Lyuis Həmilton – 177
4. Kimi Rəykkönen – 176
5. Censon Batton – 104
6. Mark Uebber – 66
7. Niko Hülkenberq – 50
8. Niko Rosberq – 30
9. Serxio Peres – 30
10. Felipe Massa – 27
