Yağış. Buldulu. Günəşli. Havanın temperaturu +16° C, trasın temperaturu +16° C

Artıq mövsümdə birinci dfəfə deyil ki, yarışa hazırlığa hava şəraiti mane olur. Komandalar Kanadaya çoxlu yeniliklər gətirmişdilər, amma quru trasda məhsuldar işləmək yalnız dünən nahardan sonra mümkün olub, qalan sessiyalar isə nəm trasda baş tutub. Hələ bu azmış kimi, bu gün son məşqlərin müddəti də iki dəfə qısaldılıb.

Pirelli şirkəti jil Vilnöv adına trasa Medium və SuperSoft tərkiblərini gətirib, tərkiblər arasında sürət fərqi kifayət qədər böyükdür və sıralanma turu üçün əsas tərkib yumşaq təkərlər hesab olunurdular. Amma bu dəfə hava şəraiti sessiyanın normal gedişinə müdaxilə edib – starta bir neçə dəqiqə qalmış yağış başlayıb. Sürücülər hələ tam islanmamış trasa sliklərlə tələsiblər, amma hamı boksa qayıtmalı olub – tras çox sürüşkən olub.

Sürücülər trasa keçid təkərlərlə qayıdıblar. Asfaltın vəziyyəti tez-tez dəyişib, demək olar ki, bütün sürücülər səhvlərə yol veriblər və tarsdan çıxıblar. Bəzi sürücülərə trafik mane olub – sürücülər uzun dövrələt seriyasına çıxıblar ki, hər təkərləri qızdırsınlar, həm də cəhdlərin birində yaxşı nəticə göstərə bilsinlər.

Keçid təkərlərinin yeyilməsi də yüksək səviyyədə olub. Hər bir sürücü növbəti dövrədə nəticəsini yaxşılaşıdırıb, sonda ən yaxşı nəticəni Fettel göstərib – 1:22.318, mübarizəni isə Caterham və Marussia sürücüləri ilə birlikdə di Resta və Qrojan dayandırıblar. Monakoda Roman stüardlardan 10 yerlik cərimə almışdı, ona görə də sabah Lotus sürücüsü startda peletonun sonuncusu olacaq.

İkinci sessiyada yağış güclənib, sürücülər yenə də keçid təkərlərlə trasa çıxıblar və senari təkrarlanıb – hamı uzun dövrələr seriyasına çıxıb. Sessiyanın sonuna 2 dəqiqə qalmış qırmızı bayraqlar peyda olub – Felipe Massa 3-cü döngədə qəzaya uğrayıb. Restartda bütün sürücülər trasa atılıblar, trafik yaşanıb, Fettel, Uebber və Batton sürətli dövrəyə başlaya bilməyiblər, digər sürücülər isə mübarizənid avam etdiriblər. Yekunda protokollara Həmilton başçılıq edib – 1:27.649, Hülkenberq, Peres, Maldonado, Batton, Qutyerres və Massa son sessiyaya keçə bilməyiblər.

Son sessiyada trasın vəziyyəti qismən yaxşılaşıb, amma sürücülər yenə də keçid təkərlərlə trasa çıxıblar. Bu dəfə hamı iki qısa dövrələr seriyasını seçib. Sebastyan Fettel mövsümdə 3-cü, karyerasında isə 39-cu poulunu qazanıb. Lyuis Həmilton ikinci olub. Valtteri Bottasın 3-cü yeri hamı üçün gözlənilməz olub.

Sabah yarışa hava proqnozu çox kiçik ehtimalla yağış vəd edir, baxaq görək necə olacaq…

Quru. Günəşli. Havanın temperaturu +25° C, trasın temperaturu +40° C

Monrealda sıralanma turu həlledici əhəmiyyət kəsb eləmir – bu trasda ötmək mümkündür, amma mövsümün gedişində ilk dəfə asfalta yatma qüvvəsinin aşağı səviiyəsində maşınların konfiqurasiyasının qüvvələr nisbətini qiymətləndirməyə imkan verir. Komandalar Kanadaya çoxlu yeniliklər gətiriblər, sərbəst yürüşlərdə mübarizə gərgin və sıx olub, şəhər trasına xas olan qəza və insidentsiz ötüşməyib.

Bəzi sürücülər sıralanma turuna tam hazırlaşa bilməyiblər – Censon Batton texniki problemlər üzündən dünən az məsafə qət edib, Niko Rosberq və Jan Erik Vern bu gün səhər heç işləyə bilməyiblər.

Dünən avtodrom üzərində buludlar görünsə də, bu gün səma buludsuz olub, asfaltın temperaturu da çox qalıb, ona görə də komandalar sazlanmalara düzəlişlər etməli olublar ki, təkərlərin potensialından tam istifadə edə bilsinlər. Pirelli şirkəti Monreala ən yumşaq təkərlərini – Soft və SuperSoft-u gətirib.

Birinci sessiyada protokollara Sebastyan Fettel başçılıq edib – 1:14.661, mübarizəni isə yeni komandaların sürücüləri ilə birlikdə Jan Erik Vern dayandırıblar. Bütün sürücülər 107%-lik həddi aşıblar. İkinci sessiyada bütün sürücülər qırmızı təkərlərə keçiblər, amma yenə də ən yaxşı nəticəni Fettel göstərib – 1:14.187. Son cəhdində Maldonado sonuncu şikananın çıxışında “Çempionlar divarı”na ilişib və maşının arxa asılqanı qırılıb. Ondan başqa Kobayaşi, Rəykkönen, Hülkenberq, Rikkardo, Peres və Senna mübarizəni dayandırıblar. İlk onluq isə yarım saniyəyə yerləşib.

Son sessiyada Censon Batton Soft təkərlərlə trasa çıxıb və boksa qayıdıb, mübarizə isə gərgin olub və yalnız Fettel 74 saniyədən sürətli olub – 1:13.784, Fettel karyerasında 32-ci və mövsümdə 2-ci poulunu qazanıb. Sabah birinci cərgədən onunla birlikdə Həmilton start alacaq, arxadan isə Alonso və Uebber – ilk üçlükdə üç dünya çempionu! Qarşıda bizi maraqlı yarış gözləyir!

Quru. Buludlu. Havanın temperaturu +22° C, trasın temperaturu +25° C

Mark Uebber nahardan əvvəl sərbəst yürüşləri buraxmalı olmuşdu – Red Bull mexanikləri onun maşınında KERS-i dəyişiblər. Sauber mexanikləri də rahat oturmayıblar – Serxio Peresi əvəz etmiş Pedro de la Rosa məşqlərin son dəqiqəsində qəzaya uğrayıb, amma sıralanma turuna qədər maşın bərpa olunub.

Sıralanma turundan əvvəl göyün üzünü qara buludlar tutub və yağışın yağması gözlənilib. İlk sessiya ərəfəsində külək də güclənib, temperatur aşağı düşüb və sürücülər trasa tələsiblər. De la Rosa yenə də divarla təmas yaşayıb, bu dəfə nə maşın, nə sürücü ciddi zədə almayıblar. Mübarizəni isə yeni komandaların sürücüləri ilə birlikdə xayme Algersuari dayandırıb, Jerom D’Ambrozio isə 107%-lik həddi aşa bilməyib. Protokollara isə fernando Alonso başçılıq edib – 1:13.822.

İkinci sessiyada liderlər də SuperSoft təkərlərinə keçiblər və sürətlər artıb – ən yaxşı nəticəni Felipe Massa göstərib: 1:13.431. Beş güclü komanda tam heyətlə sonuncu sessiyaya keçib.

İlk iki sessiyada Ferrari sürücülərinin liderlik etmələrinə baxmayaraq, bu dəfə yenə də Fettel poul qazanıb – 1:13.014, karyerasında 21-ci və mövsümdə 6-cı poul. Alonso və Massa isə Mark Uebberi qabaqlaya biliblər. Start maraqlı olacaq…