Quru. Buludlu. Havanın temperaturu +16°-17° C, trasın temperaturu +17°-19° C

Nahardan sonra hava yaxşılaşıb. Göyün üzünü əvvəlki kimi buludlar örtsə də, asfalt tam quruyub, komandalar səhər itirdikləri vaxtı kompensə etməyə çalışıblar. Pirelli isə Silverstoun üçün nəzərdə tutduğu yenilənmiş Medium tərkibini yoxlamağa başlayıb.

Hərçənd, komandalar bazar günü yarışda istifadə olunacaq təkərlərin effektliyinin yoxlanması və qiymətləndirilməsinə daha çox üstünlük veriblər.

Mark Uebber 20-ci dəqiqədə 6-cı döngədə yerində fırlanıb. Sürücülərin hamısı səhvə yol verib, təhlükəsizlik zonasına çıxıb və şikananı kəsiblər – asfalt yaxşı vəziyyətdə olmayıb, amma ciddi insident yaşanmayıb. Di Resta və Battonun maşınında ötürmələr qutusu ilə, Rəykkönenin maşınında isə əyləclərlə bağlı problemlər üzə çıxıb.

Sessiyanın ikinci yarısında sürücülər SuperSoft təkərlərinə keçiblər – əvvəlcə qısa dövrələr seriyasında sıralanma turu imitasiya olunub, sonra isə dolu yanacaq çəni ilə yarışın birinci hissəsi. Jil Bilnöv adına trasda təkərlərin yüklənməsi yüksəkdir və bu gün komandaların topladıqları məlumatlar yarışın strategiyasını müəyyən etməyə gərək olacaq.

Protokollara Fernando Alonso başçılıq edib – 1:14.818, ilk 12 sürücü 1 saniyəyə yerləşib…

Nəticələr belə olub:

Quru. Buludlu. Havanın temperaturu +22°-24° C, trasın temperaturu +24°-23° C

Sessiyalararası fasilədə yağış yağıb, amma ikinci sessiyanın startına tras tam quruyub. İki komandanın mexanikləri maşın üzərində işlərini davam etdiriblər – McLaren komandası Battonun maşınında ilişmə muftasının problemlərini həll edib, Caterham komandası isə Kovalaynenin qəzadan sonra maşınını bərpa edib – hər iki sürücü sessiyanın sonunda trasa çıxa biliblər.

Sürücülər mərhələ üçün hazırlanmış yeniliklərin yoxlanması prosesini davam etdiriblər, eyni zamanda hər iki təkər tərkibinin uzun məsafədə effektliyi qiymətləndirilib.

Sessiyanın sonuna 40 dəqiqə qalmış Bruno Senna “Çempionlar divarı”na çırpılıb. Protokollara isə səhər olduğu kimi Lyuis Həmilton başçılıq eidb – 1:15.259, amma bu dəfə nəticələr çox sıx olub – ilk 13 sürücü 0.7 saniyəyə yerləşib…

Nəticələr belə olub:

Quru. Günəşli. Havanın temperaturu +24° C, trasın temperaturu +42° C

McLaren komandasının ehtiyat sürücüsü Pedro de la Rosa nahardan sonra Serxio Peresi əvəz edib. Serxio özünü pis hiss edib və nahardan sonra avtodromu tərk edib.

Bu dəfə komandalar Soft və SuperSoft təkərləri ilə işləyiblər, sürücülər sıralanma turu və yarış konfiqurasiyası üçün sazlanmalar axtarıblar.

Əylənmə zamanı stabillik əldə etmək çox vacibdir, sazlanmaların axtarışı isə insidnetsiz ötüşməyib. Sessiyanın sonuna 40 dəqiqə qalmış Sutil yeddinci döngənin çıxışında qəzaya uğrayıb. On dəqiqə sonra qırmızı bayraqlar dalğalanıb – dördüncü döngədə Kobayaşi qəzaya uğrayıb. Restartdan dərhal sonra elə həmin yerdə D’Ambrozio qəzaya uğrayıb və yenə də qırmızı bayraqlar dalğalanıb.

Pedro de la Rosa trasa yalnız sessiyanın sonunda çıxıb, komanda maşını sürücüyə uyğunlaşdırmalı olub. İspaniyalı sürücü 14 dövrə vurub və 18-ci nəticə göstərib.

Protokollara isə Fernando Alonso başçılıq edib…

Nəticələr belə olub: