Kanada-2017: Tras və statistika

1977-ci ildə fransız kanadalılar Jil Vilnövün çıxışından ruhlanaraq Kvebekdə yeni tras tikilməsi fikrini səsləndirdilər, amma sıfırdan avtodrom tikmək uzun və baha başa gələn iş olduğundan, 1967-ci ildə EKSPO-67 sərgisi üçün süni yaradılmış İle Notre Dame adasından istifadə etməyi qərara aldılar (bu adadakı bəzi qurğular 1976-cı il Olimpiadasında istifadə olunmuşdu). Şəhər hökuməti 2 milyon dollar tapdı, düz yollar sahəsini bir-biri ilə əlaqəndirdilər və 1978-ci ildə Kanada Qran Prisinə hər şey hazır oldu.

Kanada Qran Prisinin bu trasda ilk qalibi (Formula1-də indiyə kimi cəmi 7 kanadalı sürücü olub) Jil Vilnöv oldu, o, Ferrari 312T3-ün sükanı arxasında 4500 metrlik trasın 70 dövrəsinə 1 saat 57 dəqiqə 49 saniyə vaxt sərf etdi. 1982-ci ildə Zolderdə sıralanma turunda Jil həlak olduqdan sonra bu trasa onun adı verildi.

Mərhələnin tarixi faciə və zəfərlərlə doludur. Burada qalibi əvvəlcədən söyləmək çətindir, adətən podiuma çempionatda qələbə uğrunda yarışan pilotlar çıxmırlar, çempionatın liderlərinin bəxti isə burada az gətirir…

TRASIN XARAKTERİSTİKASI

Kanada trası əyləclərə, motora və təkərlərə çox tələbkardır, aerodinamikaya isə sakit yanaşır – bu mövsümün birinci yarışıdır ki, komandalar maşını ən az asfalta yatma qüvvəsinə sazlayırlar, bu isə özünü qüvvələr nisbətində göstərə bilər.

Bir problemin həlli digər problemin peyda olması ilə müşayiət olunur – bu mövsüm hələ istifadə olunmamış maşın konfiquarasiyası üçün optimal balans və sazlanmaları tapmaq lazımdır – arxada qalan yarışlarda güclü asfaltayatma qüvvəsi lazım idi, ona görə də sərbəst yürüşlərdə də tras boş qalmır.

Asılqanlar eyni zamanda həm yumşaq olmalıdırlar ki, sürücülər porebriklərə effektiv hücum edə bilsinlər, həm də sərt olmalıdırlar ki, sürücülər şikanalarda hərəkətin istiqamətini dəyişə bilsinlər. Optimal kompromisi tapmaq asan deyil – məşqlərdə axtarış çox vaxt aparır, çünki simulyatorda trası tam canlandırmaq olmur – qışda şaxta zamanı asfaltın xarakteristikası tam dəyişir.

Sürətlənmələrin çoxluğu üzündən arxa təkərlər tez yeyilir, təkərlərin dənlə örtülməsi problemə çevrilir, amma Monrealın əsas problemi əyləclərdir. Soyutma sistemi onları soyutmağı çatdıra bilmir, düzlüklər elə də uzun deyil, bir dövrədə 4 ciddi əylənmə nöqtəsi var – düzlüklər şikanalarla parçalanıb, ona görə də əyləc və ötürmələr qutusu çox yüklənir.

Digər traslarla müqayisədə Monrealda qazanılan poul minimum rol oynayır. Son 20 ildə poul qazanan cəmi 9 sürücü qələbə qazana bilib.

Son 17 ildə baş tutan yarışlardan 12-də Təhlükəsizlik Maşını trasa çıxıb. Yanacaq sərfiyyatı da olduqca yüksəkdir, ona görə də sürücülər yanacağa qənaət etmək yolları axtarırlar.

TELEYAYIM

F-1.az xatırladır ki, Azərbaycanda bütün çempionatın yayım hüquq İdman Azərbaycan kanalında olduğu üçün Kanada Qran Prisini İdman Azərbaycan və ya İdman Azərbaycan HD kanallarından izləyə bilərsiniz. Hər bir sessiyanın rəsmi protokolları isə saytımızda operativ yerləşdiriləcək…

HƏFTƏSONU ÜÇÜN SÜRÜCÜLƏRİN TƏKƏR SEÇİMİ

Yumşaq tərkiblər əskik dönüşlük effekti doğururlar, bunu isə arxa təkərləri izafi yükləməklə kompensə etmək olur, ona görə də arxa təkərlər daha tez yeyilir. Sürətlənmə və srt əylənmə zonalarının çoxluğu bu yeyilməni yüksək səviyyəyə qaldırır.

Pirelli şirkəri iki həftə əvvəl Monakoda olduğu kimi, Monreala da Soft, SuperSoft və UltraSoft tərkiblərini gətirib, amma dəst seçimindən də görünür ki, yanaşma tam fərqli olacaq.

STATİSTİKA